كوشى-قون پوليتسياسىنىڭ بۇرىنعى باسشىسى 3 جىلعا سوتتالدى
قوستاناي وبلىستىق سوتىنىڭ باسپا ءسوز قىزمەتىنەن حابارلاعانداي، 2015-جىلدىڭ 29- جەلتوقسانىندا رۋدنىي قالالىق ءى ءى ب كوشى-قون پوليتسياسىنىڭ بولىمىنە ازاماتشا م. كەلىپ، تۇرمىسقا شىعۋىنا جانە تەگىن اۋىستىرۋىنا بايلانىستى جەكە باسىن كۋالاندىراتىن قۇجاتىن اۋىستىرماق بولدى.
ول قازاقستان ازاماتشاسى بولىپ تابىلمايدى. قاعازداردى قابىلداۋدان كەيىن قازاقستان رەسپۋبليكاسىنىڭ اۋماعىنان شىعارۋمەن بىرگە اكىمشىلىك جاۋاپكەرشىلىككە تارتۋ جازاسىن قاراستىراتىن جەكە باستى كاۋلاندىراتىن قۇجاتتاردى ۋاقىتىلى ەمەس اۋىستىرۋ فاكتىسى انىقتالعان.
ا. دۆورسكي ايەلدەن 250 مىڭ تەڭگە كولەمىندە پارا بەرۋدى سۇراعان. 2016-جىلدىڭ 6- قاڭتارىندا ونى الۋ كەزىندە جەمقورلىققا قارسى ءىس-قيمىلدار قىزمەتكەرلەرىنە ۇستالعان. ايىپتالۋشىعا قاتىستى كەپىل تولەۋ تۇرىندەگى بۇلتارتپاۋ شاراسى الىندى.
سوت ۇكىمىمەن ول ق ر ق ك- ءنىڭ 266-بابىنىڭ 2-بولىمىمەن (مەملەكەتتىك قىزمەتتەردى ورىنداۋعا وكىلەتتى تۇلعانىڭ پارا الۋى) كىنالى دەپ تانىلىپ، جالپى رەجيمدەگى تۇزەۋ اباقتىسىندا 3 جىلدىق مەرزىمگە باس بوستاندىعىنان ايىرۋ جازاسىنا كەسىلدى، سونداي-اق ول ءومىرىنىڭ سوڭىنا دەيىن مەملەكەتتىك ورگانداردا قىزمەت اتقارۋ قۇقىعىنان ايىرىلدى.
سوتتالۋشى سوت زالىندا قاماۋعا الىندى. سوت ۇكىمى زاڭدى كۇشىنە ەندى.
