اقمولا وبلىسىندا 3 كۇن بۇرىن بوراندا جوعالىپ كەتكەن ەر ادامنىڭ دەنەسى تابىلدى
بۇل تۋرالى ايماقتىق ت ج د باسپا ءسوز قىزمەتىنەن حابارلادى.
ەسكە سالا كەتسەك، 17 - جەلتوقسان كۇنى استراحان اۋدانىنىڭ پەتروۆكا اۋىلىنىڭ 1969 - جىلعى تۇرعىنى «بۇعىمباي» ورمان شارۋاشىلىعىنىڭ جۇمىسشى قاردا جۇرەتىن كولىگىمەن (سنەگوحود) ۇيىنەن شىعىپ كەتىپ، قايتىپ ورالماعان. قۇتقارۋشىلارعا حابارلاسقان ونىڭ ايەلىنىڭ ايتۋىنشا، 46 جاستاعى ەر ادام سول كۇنى كۇندىز ۇلىنا تەلەفون ارقىلى حابارلاسىپ، اداسىپ قالعانىن ايتقان.
قۇتقارۋ جۇمىستارىنا ت ج د جەكە قۇرامىنان 2 ادام جانە 1 ارنايى تەحنيكا، «جەدەل- قۇتقارۋ وتريادى» م م- ءنىڭ جەكە قۇرامىنان 10 ادام جانە 2 ارنايى ءورت ءسوندىرۋ تەحنيكاسى، «ءورت ءسوندىرۋ جانە اپاتتى- قۇتقارۋ جۇمىستارى» م م- ءنىڭ 2 ادام جانە 1 ارنايى تەحنيكا، جەرگىلىكتى اتقارۋشى ورگانداردان 5 ادام جانە 2 تەحنيكا، «بۇعىمباي» ورمان شارۋاشىلىعىنىڭ 8 جۇمىسشى جانە 4 ارنايى تەحنيكا جۇمىلدىرىلدى.
قۇتقارۋشىلار 20 جەلتوقسان كۇنى ساعات 11:50 مينۋت شاماسىندا جوعالعان ورمانشىنىڭ كولىگى قارادىر ستانساسىنان 10 شاقىرىم قاشىقتىقتا تاپقان. اراعا ءبىر ساعات سالىپ، سول ماڭنان 2-3 شاقىرىم قاشىقتىقتا قاتىپ قالعان ورمانشىنىڭ دەنەسى تابىلدى.
سونىمەن قاتار، قۇتقارۋشىلار 18 - جەلتوقسان كۇنى بوراندا اداسىپ كەتكەن اتباسار اۋدانىنىڭ «سەپە-2012» ج ش س- ءنىڭ جىلقىسى مەن ەرەيمەنتاۋ اۋدانىنىڭ تۇرعىنىن دا ىزدەگەن بولاتىن. ابىروي بولعاندا، ەكەۋى دە كەلەسى كۇنى ءدىن امان تابىلدى.
اۆتور: اسلان وسپانوۆ
