قازاقستاندىقتار رەسەيدەن 3 ميلليارد دوللارعا كولىك ساتىپ العان
بۇل تۋرالى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «قازاۆتوونەركاسىپ» ز ت ب ءتوراعاسى داۋلەت باقبەرگەن ايتتى، - دەپ حابارلايدى Tengrinews.kz ءتىلشىسى.
«وسى جىلدىڭ اۆتوموبيلدەر يمپورتىنىڭ ماسەلەسىن الساق، ول سالا اياسىنان شىعىپ كەتتى. ەلەستەتىپ كورىڭىزدەرشى، حالىق 3 ميلليارد دوللارعا اۆتوموبيل ساتىپ الىپ، الىپ كەلدى»، - دەپ حابارلادى باقبەرگەن.
رۋبل باعامىنىڭ وزگەرىسكە تۇسكەنىنەن كەيىن كورشى ەلدەگى كولىكتەردىڭ قۇنى قازاقستان ازاماتتارى ءۇشىن قىزىقتى بولىپ كورىنگەن. بيىلعى ماۋسىمدا قازاقستاندىقتار رەسەيدە 150 ميلليارد رۋبل جاراتىپتى.
ال 2016 -جىلدىڭ قاڭتارىنان باستاپ كورشى ەلدەردەن كولىك ساتىپ الۋ ءبىرىنشى تىركەۋگە الىناتىن سالىقتىڭ ەنگىزىلۋىنە بايلانىستى ازاياتىن كورىنەدى.
«قازاقستانعا ءبىرىنشى رەت الىپ كەلىپ، تىركەۋگە قويعاندا سالىق تولەنەدى. ياعني ەگەر ءسىز كولىك ساتىپ جاتساڭىز، بۇل سىزگە قاتىستى بولمايدى. (...) م ا ي مالىمەتىنشە، 2013-2014 -جىلدارى شىققانىنا ءۇش جىلدان اسقان كولىكتەردىڭ وننان ءبىرى عانا تىركەلىپتى. قاتىستى بولسا دا سول وننان بىرىنە عانا بولادى»، - دەدى باقبەرگەن.
ول كەيبىر ەلدەردەگى تاجىريبەنى كەلتىردى. «كەيبىر ەلدەردە الىمدار ءبىرىنشى تىركەۋدە اۆتوموبيلدىڭ 5-10 پايىزىنان اسپايدى. كەيبىر ەلدەردە ول قورعانىس شاراسى رەتىندە قولدانىلادى. ايتالىق، مالايزيادا الىمدار 30 پايىز، ونىڭ ۇستىنە 105 پايىز سالىق الىنادى»، - دەدى «قازاۆتوونەركاسىپ» ز ت ب ءتوراعاسى.
