ماسكەۋدە وتكەن حالىقارالىق ادەبي بايقاۋدا قازاقستاندىق جاس اقىن 3-ورىن يەلەندى - فوتو
ءادىلقازىلار مۇشەسىنىڭ ىشىندە: ر ف ت م د ىستەرى، شەتەلدەگى وتانداستارمەن ەۋرازيالىق ينتەگراتسيا جانە بايلانىس جونىندەگى ف ق مەملەكەتتىك دۋما كوميتەتىنىڭ ءتوراعاسى، «رەسەي الەم قورى» م و ف باسقارما ءتوراعاسى لەونيد سلۋتسكي، مەملەكەتتىك سىيلىق لاۋرەاتى، ر ف قوعامدىق پالاتاسىنىڭ مۇشەسى، اقىن اندرەي دەمەنتيەۆ، «روسسيا سەگودنيا» ح ا ا باس ديرەكتورى د. كيسيليەۆ، ديپلوماتيانى دامىتۋ جانە شەتەلدەگى وتانداستاردى قولداۋ قوعامدىق پالاتا كوميسسياسىنىڭ ءتوراعاسى، «رەسەي الەم قورى» م و ف باسقارما ءتوراعاسىنىڭ ءبىرىنشى ورىنباسارى ە. سۋتورمينا جانە ت. ب. بولدى.
قازاقستاننان كەلگەن قانات قۇلاحمەتوۆ (بايقوڭىر) «پوەزيا» نوميناتسياسىندا 3-ورىن الدى، 2-ورىن ەلينا ەرميلوۆا ( ريگا قالاسى لاتۆيا رەسپۋبليكاسى) ءبىرىنشى ورىن تاتيانا كۋپريانەتس (مينسك قالاسى بەلارۋس رەسپۋبليكاسى).
«پروزا» نوميناتسياسىندا ءبىرىنشى ورىن ارتەم حەگاي (بىشكەك قالاسى قىرعىزستان رەسپۋبليكاسى)، ەكىنشى ورىن - ليەۆون شاحنازاريان (ەريەۆان قالاسى ارمەنيا رەسپۋبليكاسى)، ءۇشىنشى ورىن ساشا ميندوريانيگە (كيشينيەۆ قالاسى مولدوۆا رەسپۋبليكاسى) بەرىلدى.
جەڭىمپازدار ديپلومدارمەن قاتار، ءبىرىنشى ورىن 100 مىڭ رۋبل، ەكىنشى - 80 مىڭ، ءۇشىنشى ورىن - 30 مىڭ رۋبل سىيلىق الدى.
بايقاۋدىڭ ارنايى جۇلدەسىن جۋرناليست سۆەتلانا مەدۆەديەۆا (كيەۆ قالاسى ۋكراينا) يەلەندى.
قازاقستاندىق بايقاۋعا قاتىسۋشى وسىنداي شارالارعا قاتىسۋ وعان شابىت بەرەتىنىن اتاپ ءوتتى.
«بۇل مەنىڭ بايقاۋعا ەكىنشى رەت قاتىسۋىم. العاش رەت 2013-جىلى ت م د ەلدەرى جانە تاياۋ شەتەل جاس جازۋشىلارىنىڭ فورۋمىنا قاتىسقانمىن، - دەدى ول، - وسى بايقاۋدا اۋعانستان مەن شەشەنستانداعى سوعىس جايلى ولەڭدەرىمدى وقىدىم». قانات قۇلاحمەتوۆ وسىنداي شارالار ارقىلى شەتەل قايراتكەرلەرىنىڭ ونەرى مەن شىعارماشىلىعىمەن تانىسۋعا، سونداي-اق قازاق اقىندارى مەن ادەبيەتشىلەرىنىڭ شىعارماشىلىعىمەن تانىستىرۋعا مۇمكىندىك تۋاتىنىنا توقتالدى.
