رەسەي ازاماتى اناسىنىڭ دەنەسىن 3 جىل بويى جەرلەمەي ساقتاپ، زەينەتاقىسىن الىپ تۇرعان

استانا. قازاقپارات - ەسسەنتۋكيدە 60 جاستاعى ساتۋشى قازا تاپقان اناسىنىڭ مۇردەسىن مۋمياعا اينالدىرىپ، ۇيىندە ساقتاپ، ءۇش جىل زەينەتاقىسىن الىپ وتىرعان.

ەر ادام مۇردەنىڭ ءبۇلىنىپ، ءيىسى شىقپاس ءۇشىن ونى تۇزداپ ساقتاعان.

ەسسەنتۋكي تۇرعىندارى كورشىلەرىنىڭ جۇمباق، ءبىر ءتۇرلى مىنەزىن بايقاعان. 60 جاستاعى ەر ادام ۇيىنە ۇنەمى قوراپتار تاسىپ جۇرەدى ەكەن. كورشىلەرى پاتەردە نە بولىپ جاتقانىن انىقتاۋ ءۇشىن پوليتسيا شاقىرتقان. پوليتسيا قىزمەتكەرى مەكەنجاي بويىنشا كەلگەندە، بولمە ورتاسىندا مۋميالانعان ايەلدىڭ مۇردەسىن تاپقان.

- الدىن الا دەرەكتەر بويىنشا، 1925 -جىلى تۋعان ايەلدىڭ مۇردەسى بولمەدە شامامەن ءۇش جىلداي ۇستالعان. ونىڭ 1955 -جىلى تۋعان ۇلى اناسىن جەرلەمەگەن. ول مۇنداي قادامعا اناسىن قاتتى جاقسى كورىپ، اجىراعىسى كەلمەگەننەن بارعانىن ايتتى. ەر ادام وسى ۋاقىت ىشىندە مۇردە ءبۇلىنىپ كەتپەس ءۇشىن ونى تۇزبەن وڭدەپ كەلگەن، ءارى سەنىمحات بويىنشا اناسىنىڭ 16 مىڭ رۋبل زەينەتاقىسىن دا الىپ وتىرعان، - دەدى ر ف ت ك ستاۆروپول ولكەسى بويىنشا ت ب باسشىسىنىڭ اعا كومەكشىسى ە. دانيلوۆا.