استانادا 3 كوشەدە اۆتوبۋس جولاعى ىسكە قوسىلادى
بۇگىندە استانا قالاسى ءى ءى د اكىمشىلىك پوليتسيا باسقارماسى، «استانا ل ر ت» ج ش س «سمەۋ- الماتى، استانا» ج ش س مەردىگەر كومپانياسىمەن بىرلەسىپ ق ر جولدا ءجۇرۋ ەرەجەلەرىنىڭ تالاپتارىنا سايكەس جولداعى بەلگىلەردى، اقپاراتتىق پاننو ورناتۋ بويىنشا جۇمىستار باستالدى.
قوسىمشا بەلگىلەنگەن جولاقتار كراۆتسوۆ كوشەسىندە پۋشكين كوشەسىنەن تاح حۋسەين كوشەسىنە دەيىن، مۇڭايتپاسوۆ كوشەسىندە تاۋەلسىزدىك كوشەسىنەن ابىلايحان كوشەسىنە دەيىن جانە سىعاناق كوشەسىندە بەيسەكوۆا كوشەسىنەن ناجىمەدەنوۆ كوشەسىنە دەيىنگى ۋچاسكەدە پايدا بولادى.
ءبىرىنشى ۋچاسكەنىڭ ۇزىندىعى 0,92 شاقىرىم قۇرايدى. بۇل جەرمەن 10 باعىت، 2159 اۆتوبۋس وتەدى. ەكىنشى ۋچاسكەنىڭ ۇزىندىعى 1,59 شاقىرىم ول بويىنشا 14 باعىت وتەدى. بۇل شامامەن 2525 اۆتوبۋس. ءۇشىنشى ۋچاسكەنىڭ ۇزىندىعى 6,65 شاقىرىم بۇل جەرمەن 7 باعىت، 1321 اۆتوبۋس وتەدى.
ەسكە سالا كەتەيىك، «BUS LANE» جوباسىنىڭ ماقساتى - جولاۋشىلار ءۇشىن ىڭعايلى جاعداي جاساۋ، قوعامدىق كولىك قوزعالىسىنا باسىم نازار اۋدارۋ.
اتاپ ءوتۋ كەرەك، اتالمىش جولاق ارقىلى ءجۇرۋ قوعامدىق كولىكتەردەن وزگە تەك قانا جەدەل قىزمەت كولىكتەرىنە جۇرۋگە بولادى. اتالمىش ءتارتىپتىڭ ساقتالۋىن جول پوليتسياسى مۇقيات قاداعالايدى.