قوستانايدا ايەل بالگەرگە 3 ميلليون تەڭگە اۋدارىپ جىبەرگەن

استانا. قازاقپارات - قوستانايدا ايەل ەكستراسەنسقا 3 ميلليون تەڭگە اۋدارعان.
None
None

وسى تاسىلمەن الاياق ونىڭ ومىرىندە كەزدەسە بەرەتىن ساتسىزدىكتەردەن ارىلتپاقشى بولعان، دەپ حابارلادى «كوستانايسكيە نوۆوستي».

الايدا ونىڭ پروبلەماسى ازايۋدىڭ ورنىنا ارتا تۇسكەن، سەبەبى ول اقشانى تانىسىنان قارىزعا العان، ونى قالاي قايتاراتىنىن دا بىلمەيدى.

 ايەل كوپتەن بەرى باسىن قىرسىق شالىپ جۇرگەنى جايلى ايتقان. فەن-شۋيعا دەيىن بارلىق دۇعالاردى بايقاپ كورەدى، اقىر سوڭىندا ەكستراسەنسقا جۇگىنەدى. سۇيىكتى رەسەيلىك جۋرنالدان ول جايلى وقىعان ايەل كورسەتىلگەن نومىرگە قوڭىراۋ شالادى. سودان بەرى ءجيى حابارلاسىپ، سەانستى تەلەفون ارقىلى جۇرگىزگەن.

«قوڭىراۋدى قالاي كوتەرگەنىمدى بىلمەيمىن، ەسىم اۋىپ قالدى. تەلەفوننان ول بۇل تۋرالى ەشكىمگە، ءتىپتى تۋىستارىما دا ايتپاۋ قاجەتتىگىن ەسكەرتتى»، - دەدى زارداپ شەگۋشى.

ودان ءارى سەانس جايلى ەشتەڭە ەسىندە جوق. ءبىراق العان قىزمەتى ءۇشىن اقى تولەۋ كەرەك. ءسويتىپ جولى اشىلاتىنىنا سەنىمدى بولعان ول قارىزعا اقشا الادى. ءبىر اي اڭگىمەلەسكەنى ءۇشىن ەلەنا ەكستراسەنسقا 3 ميلليون تەڭگە اۋدارعان. اقشانى ءار ساەنس سايىن ءبولىپ- ءبولىپ، ءار تەلەفوننان ءار ادامعا جىبەرگەن. ءبىر ايدان كەيىن عانا ول الدانعانىن تۇسىنگەن.

ەلەنا ءوزىن گيپنوزداپ (ارباپ ۇيىقتاتۋ، ەركىنەن ايىرۋ) تاستاعانىنا سەنىمدى.

الاياقتاردان زارداپ شەككەن ايەل پوليتسياعا جۇگىندى. الايدا ازىرگە ەش ناتيجە جوق. بىرىنشىدەن، اقشانى باسقا ەلگە اۋدارعان، بۇل ءىستى كۇردەلەندىرە تۇسۋدە. مۇنداي سحەمانىڭ اشىلماي قالاتىن ساتتەرى كوپ. مۇنداي الاياقتىققا كوبىنەسە قالالىقتار ءجيى ۇشىرايدى.

سوڭعى جاڭالىقتار