17:30, 28 - تامىز 2015 | GMT +5
بيىك باعاندا 3 ساعات بويى تىكەدەن-تىك تۇرعان بويجەتكەن الماتىلىقتاردىڭ تاڭدانىسىن تۋدىردى - كەسكىن
الماتى. قازاقپارات - كەشە «الماتى-2» ۆوكزالىنىڭ الدىندا ءبىر بويجەتكەن بيىك ءارى جىڭىشكە باعاننىڭ ۇستىنە شىعىپ الدى. سول تۇرعاننان 3 ساعات ورنىنان قوزعالمادى.

ونىڭ ءۇنسىز ارەكەتى جولاۋشىلاردىڭ تاڭدانىسىن تۋدىردى. كوپ ۇزاماي الەۋمەتتىك جەلىدە تاپجىلماي تۇرعان قىزدىڭ سۋرەتتەرى مەن ۆيدەوسى جاريالانا باستادى.
جۇمباق جايتتى ءتۇسىندىرۋ ءۇشىن «الماتى-2» ۆوكزالىنداعى كولىكتەگى ءى ءى د جەلىلىك باسقارماسىنا حابارلاستىق. بەلگىلى بولعانداي، بۇل الماتى كۇنىنە وراي وتكىزىلىپ جاتقان ARTBAT FEST 6 فەستيۆالىنە قاتىسۋشى رەسەيلىك سۋرەتشى ولگا كرويتور ەكەن. سۋرەتشى «توچكا وپورى» اتتى پەرفومانس كورسەتكەن.
بۇعان دەيىن ول وسى قويىلىمىن ماسكەۋ حالىقارالىق بيەننالەسىندە كورسەتكەن. سۋرەتشى الماتىلىقتاردىڭ ەموتسياسىن باقىلاۋ قىزىق بولدى دەيدى.