حالىق ەمشىلەرىنە جۇگىنگەن 3 جۇكتى ايەل كوز جۇمدى

استانا. قازاقپارات - وڭتۇستىك قازاقستان وبلىسىندا تاۋىپتەردىڭ ەمىنە جۇگىنگەن جۇكتى ايەلدەردىڭ ءولىمى جيىلەدى.
None
None

جىل باسىنان بەرى حالىق ەمشىلەرىنىڭ كەڭەسىنە قۇلاق تۇرگەن 3 ايەل قايتىس بولعان.

بۇل تۋرالى جەرگىلىكتى ت ۆ ك ارناسىنا سىلتەمە جاساپ NUR. KZ حابارلادى.

وتكەن جىلى تاۋىپتەردىڭ قاراۋىنا بولىپ، اۋرۋحاناعا اۋىر حالدە جەتكىزىلگەن 6 ايەلدىڭ بەسەۋى شاراناسىمەن بىرگە كوز جۇمعان. ال وسى جىلى حالىق ەمشىلەرىنىڭ ەمىن پايدالانىپ، ءوزى مەن ءسابيىنىڭ ءومىرىن قاتەرگە بايلاعان ءۇش كەلىنشەكتىڭ ەكەۋى باقيلىق بولدى. بولاشاق انالاردى ءوز سوزىنە ابدەن يلاندىرعان تاۋىپتەر ەم ءۇشىن دەپ ولارعا ءتىپتى جانارماي ىشكىزگەن كورىنەدى.

«ءبىز بەنزين ىشكەن انانى ارەڭ دەگەندە امان الىپ قالدىق. ءتاۋىپ ءجۇز گرامنىڭ كولەمىندە بەنزين ءىش دەگەن سوڭ، جاس انا سەنىپ ىشە سالعان. سول كەلىنشەكتى قۇتقارىپ، امان- ەسەن الىپ قالۋ ءۇشىن وبلىستاعى بىلىكتى دارىگەردىڭ ءبارىن جينادىق. كەلىنشەك بەنزين ىشسە، توكسيكوزدى باسادى دەگەن ەمشىنىڭ ايتقانىن بۇلجىتپاي ورىنداعان. بۇل دەگەنىڭ وتە قاۋىپتى»، - دەيدى و ق و باس كورديناتورى زياش بايان قىزى.

دارىگەرلەردىڭ ايتۋىنشا، جۇكتىلىك كەزىندەگى قاۋىپتى كەزەڭدەر باستالعاندا، تاۋىپكە باراتىن نەمەسە تۋىستارىنىڭ كەڭەسىمەن ءار ءتۇرلى ايلا- شارعىلار جاسايتىن تاۋەكەلشىل ايەلدەر كوبەيگەن. ماسەلەن، ءوزىن جايسىز سەزىنگەن جۇكتى كەلىنشەككە ەنەسى يتاياقتان اس ىشۋگە كەڭەس بەرگەن. ءيتتىڭ تاباعىنان اس ىشكەن ايەل كوپ ۇزاماي كوز جۇمىپتى.

سوڭعى جاڭالىقتار