اۆستريادا 3 ادامدى قاعىپ ولتىرگەن جۇرگىزۋشى كۋاگەرلەردىڭ دە كوزىن جويماق بولعان

قالا كوشەلەرىندە اسا جوعارى جىلدامدىقپەن جۇرگەن كولىك جۇرگىزۋشىسى جول بويىنداعى جاياۋ جۇرگىنشىلەردى قاعىپ كەتكەن. 3 ادام سول جەردە مەرت بولىپ، 34 اۆستريا ازاماتى جاراقات الدى. دارىگەرلەر 6 ادامنىڭ اۋىر حالدە جاتقانىن حابارلايدى.

جەرگىلىكتى ءتارتىپ ساقشىلارىنىڭ حابارلاۋىنشا، 26 جاستاعى جۇرگىزۋشى جىگىت مۇنىمەن توقتاماعان. كولىگىنەن شىعا بەرگەن ول ايالدامادا تۇرعان ادامدارعا پىشاق الا جۇگىرىپتى. كۇدىكتى قازىر قاماۋدا وتىر. الدىن الا بولجام بويىنشا، جىگىت جۇيكە اۋرۋىنا شالدىققان بولۋى مۇمكىن.

كۋاگەر:

- ءبىز الاڭدا سەرۋەندەپ جۇرگەنبىز. قارا ءتۇستى كولىكتىڭ جوعارى جىلدامدىقپەن جۇيتكىپ كەلە جاتقانىن كوردىك. قاس-قاعىم ساتتە جولدا ادامدار جاتتى. جۇرگىزۋشى كولىگىنەن شىعىپ، جان-جاققا قاشقانداردى قۋىپ ءجۇرىپ پىشاق جۇمسادى. وقيعا بولعان جەرگە 4 تىكۇشاق پەن 60 جەدەل جاردەم كولىگى بارعان. بۇگىن گراتس قالاسىندا مىڭداعان حالىق قازا تاپقانداردى ەسكە الۋ ءۇشىن شەرۋگە شىقتى. جيىلعان جۇرت سول جەرگە گۇل قويىپ، شىركەۋدە دۇعا وقىدى.

www.24.kz