08:35, 17 - ماۋسىم 2015 | GMT +5
قىتاي عالىمدارى: نەپالداعى جەر سىلكىنىسى ەۆەرەستى 3 سانتيمەترگە جىلجىتتى
استانا. قازاقپارات - قىتاي عالىمدارى نەپالداعى ساۋىردە بولعان قۋاتتى جەر سىلكىنىسى ەۆەرەست تاۋىن ءۇش سانتيمەترگە جىلجىتقانىن انىقتادى، دەپ جازادى «روسبالت».
قىتاي كارتوگرافيا جانە گەواقپارات ۇلتتىق اكىمشىلىگىنىڭ ناقتىلاۋىنشا، تاۋ بيىكتىگى تابيعي اپات سالدارىنان وزگەرىسكە ۇشىراماعان.
زەرتتەۋشىلەر نەپال استاناسى كاتماندۋ جەر ءدۇمپۋى سالدارىنان ەكى مەترگە جىلجىعانىن انىقتادى.
25- ساۋىردە ورىن العان ماگنيتۋداسى 7,8 قۋاتتى جەر سىلكىنىسى سالدارىنان 8 مىڭنان استام ادام قازا تاپتى، جەر استى دۇمپۋلەرىنەن قار كوشكىنى ءجۇرىپ ءوتتى.
