قازاقستاندا تۇرمەدە وتىرعان ازاماتتاردىڭ سانى 3 مىڭ ادامعا قىسقاردى

استانا. قازاقپارات - تالداۋ اعىمداعى جىلدىڭ باسىنان بەرى رەسپۋبليكادا تۇرمەدە وتىرعان ازاماتتار سانىنىڭ ايتارلىقتاي ازايعانى بايقالاتىنىن كورسەتكەن، دەپ حابارلايدى ق ر ءى ءى م قىلمىستىق-اتقارۋ جۇيەسىنىڭ باسپا ءسوز قىزمەتىنەن.

بۇل اقپارات ق ا ج كوميتەتىنىڭ ءتوراعاسى، ادىلەت گەنەرال-مايورى باۋىرجان بەرداليننىڭ قاتىسۋىمەن وتكەن رەسپۋبليكالىق پەنيتەنتسيارلىق جۇيەسى ۆەدومستۆوسىنىڭ ورتالىق اپپاراتى باسشىلارىنىڭ كەڭەسى كەزىندە ايتىلدى.

كەڭەستىڭ باستى تاقىرىبى - 2015-جىلدىڭ 1- قاڭتارىندا زاڭدىق كۇشىنە ەنگەن جاڭا ق ر قىلمىستىق جانە قىلمىستىق-اتقارۋ كودەكستەرىن تاجىريبەدە ىسكە اسىرۋ.

وسىلايشا، جاڭا قىلمىستىق-اتقارۋ زاڭناماسىن ىسكە اسىرۋ اياسىندا جىل باسىنان بەرى 7219 ماتەريال قارالىپ، سونىڭ قورىتىندىلارى بويىنشا باس بوستاندىعىنان ايىرۋ ورىندارىنان 200 گە جۋىق ادام بوساتىلعان، 700 گە جۋىق ادامنىڭ جازاسىن وتەۋ مەرزىمدەرى قىسقارتىلدى.

بۇدان باسقا، جۇكتى ايەلدەردى، كىشكەنتاي بالالارى بار ايەلدەر، كىشكەنتاي بالالارىن جالعىز تاربيەلەپ جۇرگەن ەر ادامدار، 58 جاستاعى ايەلدەر مەن 63 جانە ودان كوپ جاستاعى ەر ادامداردى شارتتى تۇردە مەرزىمنەن بۇرىن بوساتۋ مۇمكىندىگى قاراستىرىلىپ وتىر.

جاڭا قىلمىستىق-اتقارۋ زاڭناماسىن ىسكە اسىرۋدىڭ ناتيجەسىندە 2015-جىلدىڭ 1- مامىرىندا رەسپۋبليكا بويىنشا ارنايى كونتينگەنتتىڭ جالپى سانى وتكەن جىلدىڭ وسىنداي كەزەڭىمەن سالىستىرعاندا 3100 ادامعا ازايعان.