22:38, 13 - مامىر 2015 | GMT +5
وڭتۇستىك كورەيادا سارباز 3 ادامدى اتىپ تاستادى
استانا. قازاقپارات - وڭتۇستىك كورەيا ەلىندە اسكەريلەردەن بەرەكە كەتتى. ەل استاناسى سەۋلدە ورنالاسقان اسكەري لاگەردە ساربازداردىڭ ءبىرى قىرعىن سالىپ، ءۇش ادامدى مەرت قىلدى.
تاعى تورتەۋى جاراقات الدى. ەلدىڭ قورعانىس مينيسترلىگى وق اتقان سارباز وزىنە دە قول جۇمساعانىن جەتكىزدى.
ازىرگە جاۋىنگەردىڭ مۇنداي ارەكەتىنە نە تۇرتكى بولعانى بەلگىسىز. قازىر وقيعاعا قاتىستى تەرگەۋ باستالدى.
كيم مين سوك، وڭتۇستىك كورەيا قورعانىس مينيسترلىگىنىڭ وكىلى:
- ءبىز بۇل جاعدايدى اياعىنا دەيىن تەرگەيتىن بولامىز. وقيعانىڭ ءمان-جايى انىقتالعان سوڭ، مۇنداي سۇمدىق جاعدايدىڭ بولماۋى ءۇشىن ءتيىستى قاۋىپسىزدىك شارالارىن قولدانامىز.
www.24.kz
