قازاق بالۋانى وزبەكستانعا كەزەكتى 3- التىن مەدالدى الىپ بەردى

استانا. قازاقپارات - كاتار استاناسى دوحادا ءوتىپ جاتقان كۇرەس تۇرلەرىنەن ازيا چەمپيوناتىندا وزبەكستان نامىسىن قورعايتىن قازاق بالۋانى ەلمۇرات تاسمۇرادوۆ چەمپيون اتاندى.

بۇل تۋرالى NUR. KZ حابارلايدى.

ەلمۇرات فينالدا سولتۇستىك كورەيا سپورتشىسىن 9:4 ەسەبىمەن تىزە بۇكتىردى. بۇل قازاق بالۋانىنىڭ وزبەكستان قۇراماسىنا سىيلاعان ءۇشىنشى التىن مەدالى. تاسمۇرادوۆ وسىعان دەيىن ازيانىڭ 2 دۇركىن چەمپيونى اتانعان بولاتىن.

دوحا تورىندە ەلمۇرات تاسمۇرادوۆ ءۇش دۇركىن ازيا چەمپيونى اتاندى.

بۇل سالماقتا قازاقستان نامىسىن قورعاعان مەيرامبەك ايناعۇلوۆ قىرعىز بالۋانىنا جول بەرىپ، جۇلدەسىز قالدى.

ەلمۇرات تاسمۇرادوۆ ەتنيكالىق قازاق، بەكزات ساتتارحانوۆ اتىنداعى سپورت ينتەرناتىنىڭ تۇلەگى.

قازاقستان قۇراماسىنا قابىلدانا الماعان سوڭ ول كورشىلەس وزبەكستان اتىنان سىنعا ءتۇسىپ ءجۇر.

بۇگىنگە دەيىن ول الەم چەمپيوناتىندا 2 مارتە قولا مەدال يەلەنگەن.