گۇلنار تۋر كومپانياسىنان جاپا شەككەندەرگە 3 ميلليون دوللار ءالى قايتارىلعان جوق
بۇل تۋرالى بۇگىن ورتالىق كوممۋنيكاتسيالار قىزمەتىندە ق ر ۇكىمەتى جانىنداعى تۋريزم جونىندەگى كەڭەستىڭ مۇشەسى يننا رەي ءمالىم ەتتى.
«كەلتىرىلگەن زالالدىڭ سوماسىن انىقتاۋ ءالى مۇمكىن بولعان جوق. سەبەبى اقشا وزىنە ءتان تاسىلمەن جاسالعانى سونشالىق، قازىر ونى انىقتاۋعا ەشكىمنىڭ دە مۇرشاسى كەلمەي تۇر. ءبىراق «گۇلنار تۋر» بويىنشا جاسالعان ساناق بويىنشا، شىعىن 11 ميلليون دوللارعا باعالاندى. ونىڭ 8 ميلليون دوللارىن كومپانيانىڭ ءوزى موينىنا الدى. قالعان سوما - 3 ميلليون دوللار. ول دا قازىر وتەلىپ جاتىر. ولاردىڭ قانشاسى تولەنبەدى ونى انىقتاۋ قيىن. مۇمكىن قىلمىستىق ىستىڭ قورىتىندىسى جاسالعان تۇستا ءبىراز اشىلاتىن شىعار»، - دەيدى ي. رەي.
ەسكە سالايىق، «گۇلنار تۋر» تۋركومپانياسى اينالاسىنداعى داۋ-داماي 2014 -جىلدىڭ جازىندا شىقتى. كومپانيانىڭ سالعان ماتەريالدىق شىعىنى ميلليونداعان تەڭگەگە باعالانۋدا. «ينۆەست اۆيا» اۋەكومپانياسىنىڭ ءوزى 147 ميلليون تەڭگەگە شىعىنعا باتتى. تۋرلاردى ساتىپ العان 12 مىڭ قازاقستاندىق جاپا شەكتى. 2014 -جىلى «گۇلنار تۋر» كومپانياسىنىڭ ليسەنزياسى الىندى، ال ونىڭ قۇرىلتايشىسى مەن باس ديرەكتورى حالىقارالىق ىزدەۋگە جاريالاندى.
اۆتور: جاسۇلان جولدىبايەۆ
