شىمكەنتتە 3 ميلليون «تەڭگە» تاراتىلدى

استانا. قازاقپارات - 10 مىڭ تەڭگەلىك جالعان قاعاز اقشالاردى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ و ق و بويىنشا دەپارتامەنت وكىلدەرى ۇلەستىردى.

جالعان اقشانىڭ ءبىر بەتىندە 10 مىڭ تەڭگەنىڭ سۋرەتى بولسا، ەكىنشى بەتىندە پارا الماۋعا شاقىراتىن سوزدەر جازىلعان. قۇزىرلى ورگان وكىلدەرى جەمقورلىققا قارسى كۇرەسۋدىڭ وسىلايشا جاڭاشا ءتاسىلىن ويلاپ تاۋىپتى.

بۋكلەت تۇرىندە جاسالعان 10 مىڭ تەڭگەلىك قاعاز اقشالاردىڭ بەتىنە جالپى پاراقورلىق پەن سىبايلاستىقتان اۋلاق جۇرەيىك دەگەن سوزدەر جازىلعان. شارانى ۇيىمداستىرۋشىلار بۇل تاسىلدەرىنىڭ ناتيجە بەرەرىنە سەنىمدى.

«سىبايلاس جەمقورلىقپەن بىرگە كۇرەسەيىك» اكسياسى بارىسىندا تۇرعىندارعا تاۋلىك بويى جۇمىس ىستەيتىن سەنىم تەلەفونى ارقىلى دەپارتامەنتكە حابارلاسۋعا بولاتىنى دا ەسكەرتىلدى.

جالعان 10 مىڭ تەڭگەلىك بەتىنە «جەمقور اتانىپ، ابىرويسىز بولما! پارا بەرگەن دە، العان دا قىلمىسكەر سانالادى. سوندىقتان تازا ءومىر ءسۇر!» دەگەن سوزدەر جازىلعان.

ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ و ق و بويىنشا دەپارتامەنتىنىڭ وكىلدەرى مۇنداي شارالار جەڭ ۇشىنان جالعاسقان سىبايلاستىققا قارسى جۇرت بولىپ جۇمىلا كۇرەسۋگە سەپتىگى بولاتىنىنا سەنىمدى.

www.24.kz