11:51, 06 - ءساۋىر 2015 | GMT +5
قىتاي 3 جاڭا اتومدىق سۇڭگۋىر كەمەنى پايدالانۋعا ەنگىزەدى
استانا. قازاقپارات - قىتاي ەلىنىڭ اسكەري-تەڭىز كۇشتەرى (ا ت ك) كەمەلەرگە قارسى دىبىستان جىلدام زىمىراندار اتقىلاي الاتىن ۆەرتيكالدى ىسكە قوسۋ جۇيەسى بار ءۇش جاڭا اتومدىق كوپ ماقساتتى سۇڭگۋىر كەمەنى پايدالانۋعا بەرۋگە دايىندالىپ جاتىر، دەپ حابارلادى MIGnews-كە سىلتەمە جاساعان روسبالت.
قىتاي ا ت ك ءوز سايتىندا جاڭا نۇسقانىڭ شۋدى ازايتۋ، جىلدامدىق پەن ۇشقىرلىقتى، سونداي-اق دىبىستان جىلدام كەمەگە قارسى سوڭعى شىعارىلعان قىتايلىق YJ-18 زىمىرانىمەن اتقىلاۋ قابىلەتىن جاقسارتۋ ءۇشىن جاسالعانىن مالىمدەدى.
قازىرگى ۋاقىتتا قىتاي ءوزىنىڭ سۋاستى ميسسيالارى مەن پاترۋلدەرىنىڭ سالاسىن كەڭەيتۋدە. مەملەكەتتىڭ كوپ ماقساتتى سۇڭگۋىر كەمەلەرى قۇراما شتاتتارعا قاراعاندا الدەقايدا كوپ.
بۇدان باسقا، قازىرگى كەزدە قىتايلىقتار پلارب جاڭا جاڭعىرتىلعان پلاتفورماسىن، سونداي-اق JL-3 راديۋسى ۇلكەن زىمىراندارىن شىعارۋ جۇمىستارىمەن اينالىسىپ جاتىر.
