وتان الدىنداعى بورىشىن وتەگىسى كەلمەيتىندەر 3 جىلعا سوتتالادى

استانا. قازاقپارات - اسكەردەن قاشقاندار جاڭا زاڭمەن جازالانادى!

ەندى وتان الدىنداعى بورىشىن وتەگىسى كەلمەيتىندەر 3 جىلعا سوتتالادى نەمەسە 2 ميلليونعا جۋىق ايىپپۇل تولەيدى دەپ حابارلايدى ك ت ك ارناسى.

مۇنداي قاتال تالاپ 2 اي بۇرىن جاڭادان قابىلدانعان قىلمىستىق كودەكسكە ەنگىزىلىپ وتىر. جازا 1- ساۋىردە باستالاتىن كوكتەمگى شاقىرتۋعا كەلمەگەندەرگە قولدانىلۋى مۇمكىن.

دەسە دە، بولاشاق ساربازدار الدىمەن مەديتسينالىق تەكسەرىس پەن پسيحولوگيالىق تەستتەن ءوتۋى كەرەك. بارلىق سىننان سۇرىنبەي وتكەندەر عانا وتان الدىنداعى بورىشىن وتەۋگە اتتانباق.

قازىر جەر- جەردەگى اسكەري بولىمدەردە تىركەۋدە تۇرعان 18 بەن 27 جاس ارالىعىنداعى جىگىتتەرگە شاقىرتۋ قاعازدارى جونەلتىلۋدە.