ۇشاعى اپاتىنان قازا تاپقان 3 قازاقستاندىق - ءبىر جانۇيانىڭ ادامدارى - ق ر س ءى م

None
None
استانا. قازاقپارات - 24- ناۋرىزدا فرانسيانىڭ وڭتۇستىگىندە Airbus A320 ۇشاعىنىڭ اپاتقا ۇشىراۋى سالدارىنان قازا بولعان قازاقستاندىقتاردىڭ ءمايىتىن ەلگە جەتكىزۋ ماسەلەسى پىسىقتالىپ جاتىر. بۇل تۋرالى بۇگىن استانادا ق ر س ءى م باسپا ءسوز حاتشىسى نۇرجان ايتماحانوۆ ءمالىم ەتتى.

«اپاتتى بولعان ۇشاقتىڭ بورتىندا ءۇش قازاقستاندىق ازاماتتىڭ بولعانى ايقىندالىپ وتىر. اتاپ ايتقاندا، قازا بولعانداردىڭ اراسىندا ەربول يمانقۇلوۆ (1965-جىلى دۇنيەگە كەلگەن)، ايجان يسەنعاليەۆا (1966-جىلى دۇنيەگە كەلگەن) جانە ءادىل يمانقۇلوۆ (1989-جىلى دۇنيەگە كەلگەن) ەسىمدى ەلىمىزدىڭ ازاماتتارى بولعانى راستالدى. ۇشەۋى دە ءبىر وتباسىنىڭ ادامدارى. سونىمەن قاتار گەرمانيا بيلىك وكىلدەرىنىڭ حابارلاۋىنشا، سول بورتتا تاعى دا ءبىر قازاقستاندىق ەلەنا بلەس ەسىمدى ازاماتشا بولۋى مۇمكىن. قازىرگى كەزدە ونىڭ قازاقستاننىڭ ازاماتى نەمەسە ازاماتى ەمەس ەكەندىگى ءتيىستى مەملەكەتتىك ورگاندار تاراپىنان تەكسەرىلىپ جاتىر»، - دەدى باسپا ءسوز حاتشىسى.

ونىڭ سوزىنە قاراعاندا، قازىرگى ساتتە ەلىمىزدىڭ گەرمانياداعى جانە فرانسياداعى ەلشىلىكتەرى وسى مەملەكەتتەردىڭ بيلىك وكىلدەرىمەن بايلانىسىپ، قازا بولعان ازاماتتاردىڭ مايىتتەرىن ايقىنداۋ مەن ولاردى ەلگە جەتكىزۋ ماسەلەسىن پىسىقتاۋدا.

سونىمەن قاتار ن. ايتماحانوۆ قازا بولعاندار ش ق و تۋماسى ەكەنىن اتاپ ءوتتى. ازىرگە ولاردىڭ ەۋروپاعا قانداي ماقساتپەن بارعاندىعى بەلگىسىز.

اۆتور: رۋسلان عابباسوۆ

سوڭعى جاڭالىقتار