12:35, 13 - جەلتوقسان 2014 | GMT +5
مۋلتفيلم «كۋنگ- فۋ پاندا-3» نە سەبەپتى ءۇش ايعا كەشىگىپ شىعاتىنى بەلگىلى بولدى
استانا. قازاقپارات - DreamWorks Animation ستۋدياسى «كۋنگ- فۋ پاندا-3» مۋلتفيلمىنىڭ پرەمەراسىن 2015 - جىلدىڭ 23 - جەلتوقسانىنان 2016 - جىلدىڭ 18 - ناۋرىزىنا جىلجىتتى، دەپ حابارلادى Collider.
بۇل 2015 - جىلدىڭ 18 - جەلتوقسانىندا «جۇلدىزدى سوعىس» كينوسىنىڭ جەتىنشى ەپيزودىنىڭ پرەمەراسىمەن بايلانىستى.
ەندى «كۋنگ- فۋ پاندا-3» پروكاتتا «جۇلدىزدى سوعىس» كارتيناسىمەن ەمەس، «ديۆەرگەنت» ەكى ءبولىمدى كينو فرانشيزاسىنىڭ بىرىنشىسىمەن باسەكەگە تۇسپەك.
«كۋنگ- فۋ پاندا-1» مۋلتفيلمى پروكاتقا 2008 - جىلى شىققان. ۇزدىك مۋلتفيلم رەتىندە «وسكار» نوميناتسياسىنا قاتىستى جانە «ەنني» انيماتسيالىق سىيلىعىنا يە بولدى.
