18:11, 28 - قاراشا 2014 | GMT +6
شۆەيساريا حالقىنىڭ 3 پايىزى مىسىق ەتىن جەيدى
استانا. قازاقپارات - شۆەيساريا حالقىنىڭ 3 پايىزى مىسىقپەن تاماقتانادى. جىل سايىن تۇتىناتىن ەت كولەمى - 200 توننادان اسىپ جىعىلادى.
وسىعان وراي شۆەيساريانىڭ زوولوگيا ۇيىمى مىسىق پەن ءيتتىڭ ەتىن جەۋگە زاڭ بويىنشا تىيىم سالۋدى ۇسىنىپ وتىر.
جەرگىلىكتى بيلىك بەلسەندى توپتىڭ باستاماسىن قاشان قارايتىنى ازىرگە بەلگىسىز. دەگەنمەن، ەلدەگى كەيبىر فەرمەرلەر «ەت - دەگەن ەت» وندا تۇرعان ەشتەڭە جوق دەپ پىكىرىن اشىق ايتادى ەكەن. ولار ساۋالناما جۇرگىزگەن بريتانيالىق تىلشىلەرگە الداعى جاڭا جىلدىق داستارحاندا مىسىق ەتى ەڭ باستى تاعامداردىڭ ءبىرى بولادى دەپ جاۋاپ بەرگەن. ايتا كەتەيىك، نەگىزى شۆەيساريادا مىسىق ەتىن ساتۋعا زاڭمەن رۇقسات ەتىلگەن.
