10:38, 22 - تامىز 2014 | GMT +5
قورعاس شەكاراسىنان 3 قازاقستان ازاماتى ۇستالدى - فوتو
استانا. قازاقپارات - قازاقستاندىق شەكاراشىلار 118 ۇيالى تەلەفوندى مەملەكەتتىك شەكارادان زاڭسىز وتكىزبەك بولعانداردىڭ جولىن كەستى، دەپ حابارلايدى ق ر ۇ ق ك شەكارا قىزمەتىنىڭ باسپا ءسوز قزىمەتىنەن.
«قورعاس» شەكارالىق باقىلاۋ وتريادىنىڭ باقىلاۋشىلارى شەكارالىق ىنتىماقتاستىقتىڭ حالىقارالىق ورتالىعىندا قازاقستان رەسپۋبليكاسىنىڭ 3 ازاماتىن ۇستادى.
قول جۇكتەرىن تەكسەرۋ كەزىندە ولاردان زاڭسىز 96 دانا ۇيالى تەلەفون تابىلدى. بۇدان باسقا، ۇستالعانداردىڭ ءبىرىنىڭ دەنەسىنەن جابىسقاق لەنتامەن جاپسىرىلىپ جاسىرىلعان 22 دانا تەلەفون انىقتالدى. وسىلايشا جالپى سانى 118 دانا زاڭسىز تەلەفون تاركىلەندى.
اتالعان ازاماتتار تەلەفونداردى كەدەندىك باقىلاۋدان جاسىرىن وتكىزۋگە تىرىسقان. قازىرگى ۋاقىتتا اتالعان دەرەك بويىنشا تەكسەرۋ امالدارى جۇرگىزىلۋدە.
