14:48, 22 - شىلدە 2014 | GMT +5
تۇركيادا 3 كۇن قارالى دەپ جاريالاندى
استانا. قازاقپارات - تۇركيادا گازا سەكتورىنداعى يزرايل شابۋىلىنان مەرت بولعان پالەستينالىقتاردىڭ قازاسىنا وراي 3 كۇن قارالى دەپ جاريالاندى.
تۇرىك ۇكىمەتىنىڭ بۇل شەشىمى تۋرالى ارنايى باسپا ءسوز ءماجىلىسىن وتكىزگەن ۆيتسە- پرەمەر بيۋلەنت ارىنچ مالىمدەدى.
ول: «ءبىز بەيكۇنا ادامداردىڭ جاپپاي ءولتىرىلۋىن ايىپتايمىز» ، - دەدى. سونداي- اق ارىنچ پالەستينا تۇرعىندارىنا 1 ميلليون ا ق ش دوللارى كولەمىندە گۋمانيتارلىق كومەك كورسەتۋ ءۇشىن ءبىرقاتار شارالاردىڭ قولعا الىنعانىن ايتتى.
ءبىرىنشى كەزەكتە ءزارۋ زاتتار مەن ازىق- تۇلىك جەتكىزىلمەك. بۇدان باسقا، تۇركيا پرەمەر- ءمينيسترى اپپاراتىنىڭ جانىنداعى توتەنشە جاعدايلار مەن تابيعي اپاتتار باسقارماسى دۇنيەجۇزىلىك دەنساۋلىق ساقتاۋ ۇيىمىنىڭ پالەستينالىق كەڭسەسىنە 0,5 ميلليون ا ق ش دوللارىن جىبەرگەن.
