الماتىدا 3 جاسار بالا مەن ونىڭ اناسىنا قيانات جاساعان شەنەۋنىك جۇمىستان شىعارىلدى

 الماتى. قازاقپارات - جۇكتىلىكتىڭ توعىزىنشى ايىنداعى ايەل مەن 3 جاسار بالانى قاعىپ كەتكەن ۇيعىر اۋداندىق سالىق باسقارماسىنىڭ باسشىسى باقىت قۇرماشيەۆ قىزمەتىنەن بوساتىلدى.
None
None

 بۇل تۋرالى ق ر قارجى مينيسترلىگىنىڭ فەيسبۋكتاعى جەكە پاراقشاسىندا ءمالىم ەتىلدى.

 «ق ر قارجى مينيسترلىگى سالىق كوميتەتىنىڭ ءتوراعاسىنىڭ بۇيرىعىمەن الماتى وبلىسى ۇيعىر اۋداندىق سالىق باسقارماسىنىڭ باسشىسى قۇرماشيەۆ باقىت قىزمەتىنەن بوساتىلدى» ، - دەلىنگەن حابارلامادا.

ەستەرىڭىزگە سالا كەتەيىك، اتالعان دەرەك بويىنشا ەكس- باسشىعا قاتىستى ق ر  ق ك بىرنەشە بابى - 296 - بابى، 1 - تارماعى (ج ق ە مەن كولىكتى پايدالانۋ ەرەجەسىن بۇزۋ) ، 297 - بابى (جول- كولىك وقيعاسى بولعان جەردەن بوي تاسالاۋ) ، 119 - بابى (قاۋىپتى جاعدايدا قالدىرۋ) بويىنشا قىلمىستىق ءىس قوزعالدى. تەرگەۋ امالدارى جالعاسۋدا.

اۆتور: گۇلميرا عوسمانالي

سوڭعى جاڭالىقتار