كولىگىمەن 3 جاسار بالانى باسىپ كەتكەن شەنەۋنىك قاشىپ كەتپەك بولعان

الماتى. قازاقپارات - جۇكتىلىكتىڭ توعىزىنشى ايىنداعى ايەل مەن 3 جاسار بالانى قاعىپ كەتكەن «لەكسۋس» جۇرگىزۋشىسى قىلمىستىق جاۋاپكەرشىلىككە تارتىلدى.
None
None

 بۇل تۋرالى قالالىق ءى ءى د باسپا ءسوز قىزمەتى حابارلادى.

 وقىس وقيعا 20 - ماۋسىمدا الماتىدا ورىن العان. اناسى مەن بالاسى جانسۇگىروۆ پەن جۇمابايەۆ كوشەلەرىنىڭ قيىلىسىنان ءوتىپ بارا جاتىپ، جۇيتكىگەن «لەكسۋستىڭ» استىنا تۇسكەن.

 «كولىك جۇرگىزۋشىسى الماتى وبلىسى ۇيعىر اۋداندىق سالىق باسقارماسىنىڭ باسشىسى باقىت قۇرماشيەۆ ەكەن. ول جاپا شەككەن اناسى مەن بالاسىن وقيعا ورنىندا تاستاپ قاشىپ كەتپەك بولعان. قۋىس كوشەلەردىڭ بىرىنە بۇرىلعان «لەكسۋستى» وقيعا كۋاگەرلەرى كولىكتەرىمەن قورشاپ، تىرپ ەتكىزبەگەن. مەديسينالىق تەكسەرۋ بارىسىندا جۇرگىزۋشىنىڭ ماس ەكەندىگى انىقتالدى»، - دەدى الماتى قالالىق ءى ءى د انىقتاۋ ءبولىمىنىڭ باسشىسى رۋستام ءابدىراحمانوۆ.

اۋىر جارالانعان جۇكتى انا بىرنەشە سىنىقتارمەن اۋرۋحانادا جاتىر.

 ال 3 جاسار ءسابيدىڭ حالى وتە مۇشكىل. دارىگەرلەر ونىڭ باس سۇيەگى سىنعانىن ايتىپ وتىر. بالا قازىر كومادا جاتىر.

«قىلمىستىق ءىس ق ر  ق ك بىرنەشە بابى - 296 - بابى، 1 - تارماعى (ج ق ە مەن كولىكتى پايدالانۋ ەرەجەسىن بۇزۋ) ، 297- بابى (جول- كولىك وقيعاسى بولعان جەردەن بوي تاسالاۋ) ، 119- بابى (قاۋىپتى جاعدايدا قالدىرۋ) بويىنشا قوزعالدى. تەرگەۋ امالدارى جالعاسۋدا» ، - دەدى مايور ءابدىراحمانوۆ.

 اۆتور: گۇلميرا عوسمانالي

سوڭعى جاڭالىقتار