الماتى قالاسىنىڭ اكىمى قارسىلاستار قاقپاسىنا 3 گول سالدى- فوتو

الماتى. قازاقپارات - كەشە الماتىدا جۋرناليستەر قۇراما كومانداسى «بىلعارى دوپ» تۋرنيرىنىڭ ۇزدىك ويىنشىلارىنان قۇرالعان قۇراما كوماندانى 4:0 ەسەبىمەن تىزە بۇكتىردى.
None
None

جۋرناليستەر كومانداسى ساپىندا ويناعان الماتى قالاسىنىڭ اكىمى احمەتجان ەسىموۆ 3 گول سالىپ حەت- تريك جاسادى.

جۋرناليستەر كۇنى قارساڭىندا ۇيىمداستىرىلعان بۇل جولداستىق كەزدەسۋدە جاسىل الاڭعا جاناربەك ءاشىمجان، امانگەلدى سەيىتحانوۆ، گەني تولەگەنوۆ سەكىلدى بەلگىلى جۋرناليستەر شىقتى.

 ال قارسىلاستار كومانداسىندا «بىلعارى دوپ» تۋرنيرىنىڭ 2011-2012 - ماۋسىمىنىڭ جەڭىمپازدارى 15 جاستاعى بالعىن فۋتبولشىلار ونەر كورسەتتى. ولار كەزىندە «كوپا كوكا- كولا» حالىقارالىق تۋريرىندە ەكىنشى ورىن العان بولاتىن. ارالارىندا برازيليادان بۇگىن ۇشىپ كەلگەن، وندا فۋتبولدان الەم بىرىنشىلىگىنىڭ اشىلۋ سالتاناتىن، العاشقى ماتچتى تاماشالاپ قايتقان تاۋكەحان ءجۇنىس، شاديار ارىنتاي جانە ايدوس پوشان دا وينادى. جاس فۋتبولشىلار برازيلياعا «بىلعارى دوپ» تۋرنيرىنىڭ ەڭ ۇزدىك ويىنشىلارى رەتىندە بارعان بولاتىن.

«قازىر برازيليادا فۋتبلدان الەم بىرىنشىلىگى ءوتىپ جاتىر. وعان قوسا جۋرناليستەردىڭ كاسىبي مەرەكەسى دە جاقىنداپ كەلەدى. جالپى جۋرناليستەر سپورتقا وتە جاقىن حالىق قوي. سوندىقتان ءبىز الماتى قالاسىنىڭ اكىمىنە ءوتىنىش جاسادىق. اكىم ءوتىنىشىمىزدى قابىل الدى. سوندىقتان وسى جولداستىق كەزدەسۋدى ۇيىمداستىردىق. جۋرناليستەر جەڭىسكە جەتىپ، مەرەيىمىزدى ۇستەم ەتتى» - دەدى ءوز سوزىندە قازاقستان جۋرناليستەر وداعىنىڭ ءتوراعاسى سەيىتقازى ماتايەۆ.





سوڭعى جاڭالىقتار