13:17, 07 - ماۋسىم 2014 | GMT +5
مالايزيالىق جوعالعان ۇشاق جولاۋشىلارىنىڭ تۋىستارى مالىمەت ءۇشىن 3 ميلليون دوللار سىياقى تاعايىندادى
استانا. قازاقپارات - مالايزيالىق Boeing 777-200 جولاۋشىلارىنىڭ وتباسىلارى ۇشاقتىڭ قايدا ەكەنى تۋرالى اقپاراتتى جەتكىزگەن جانعا 3 ميلليون دوللار كولەمىندە سىياقى بەرمەك،
دەپ حابارلادى روس بالت.
Indiegogo سايتىندا ا ق ش، جاڭا زەلانديا، فرانسيا جانە ءۇندىستان جولاۋشىلارىنىڭ تۋىسقاندارى ۇشاقتىڭ جوعالعانى تۋرالى ماڭىزدى اقپارات بەرگەندەرگە سىياقى بەرۋ ءۇشىن قاراجات جيناۋ ناۋقانىن ىسكە قوستى. ەڭ از جارنا 5 دوللاردى قۇرايدى.
بۇل رەتتە اكسياعا قىتاي مەن مالايزيا ازاماتتارىنىڭ تۋىستارى قاتىسپايدى.
بۇدان باسقا، 2 ميلليون دوللار سىياقى تەرگەۋدىڭ جاڭا نۇسقاسىن پىسىقتاعان جەكە دەتەكتيۆتەرگە بەرىلەدى.
جوعالعان جولاۋشىلاردىڭ تۋىستارىنىڭ پىكىرىنشە، بيلىك «وسى ۋاقىتقا دەيىن لاينەر تۋرالى ەش اقپارات تاپپادىق» دەپ ىزدەستىرۋ وپەراتسياسىنىڭ بارىسى تۋرالى اقپاراتتى بۇگىپ وتىر.
