بەيجىڭدە وتكەن ستۋدەنتتەردىڭ 3 - قۇرىلتايىندا قازاقستاندىق جاستاردىڭ ماسەلەلەرى تالقىلاندى

بەيجىڭ. قازاقپارات - قىتايداعى قازاقستان ستۋدەنتتەرىنىڭ  Ⅲ قۇرىلتايىنىڭ قورتىندىسى بويىنشا «جاستاردى جان- جاقتى دامىتۋ ماسەلەلەرىندەگى ءوزارا ارەكەتتەستىك تۋرالى مەموراندۋم» مەن «قىتايداعى قازاقستاندىق ستۋدەنتتەردىڭ قاۋىمداستىعىنىڭ» جارعىسى قابىلداندى.

ءۇشىنشى قۇرىلتايعا قىتايدىڭ قازاقستاندىق ستۋدەنتتەر وقيتىن شاڭحاي، شي-ان، ۋحان، ءۇرىمجى، بەيجىڭ، جىجياڭ، حاربين، داليان مەن تيانجيڭ قالالارىنان 100دەن استام دەلەگات قاتىستى.

 قازاقپارات تىلشىسىنە ازيا مەن وكەانياداعى حالىقارالىق باعدارلامالار ورتالىعىنىڭ وكىلى قايىرجان ەرمانوۆ حابارلاعانداي، قىتايداعى قازاقستاندىق ستۋدەنتتەردىڭ Ⅲقۇرىلتايى مەملەكەت باسشىسىنىڭ قازاقستان حالقىنا ارناعان «قازاقستان جولى-2050» جولداۋىن جۇزەگە اسىرۋ اياسىندا ءوتتى.

 «قۇرىلتاي بارىنەن بۇرىن شەتەلدە وقيتىن قازاقستاندىق ستۋدەنتتەردى بىرىكتىرىپ، ولاردى پاتريوتتىق تاربيەلەۋگە باعىتتالعان» ، - دەپ اتاپ ءوتتى ول.

شارا بارىسىندا «ءبىلىم بەرۋدەگى يننوۆاتسيالار، سونداي- اق جاستاردى جان- جاقتى دامىتۋ» تاقىرىبىندا كونفەرەنتسيا مەن كونسەرت ۇيىمداستىرىلدى. قۇرىلتاي بارىسىندا كورسەتىلگەن باستى ءراسىم «تۇساۋكەسەر» كەزىندە قىتايداعى قازاقستاندىق ستۋدەنتتەر قاۋىمداستىعىنىڭ بەلسەندىسى عازيزدىڭ ءبىر جاسار ۇلى ايقىننىڭ تۇساۋى كەسىلدى.

ەسكە سالا كەتەيىك، قىتايداعى قازاقستاندىق ستۋدەنتتەردىڭ قۇرىلتايى العاش رەت 2012 -جىلدىڭ مامىر ايىندا شي-ان قالاسىندا ۇيىمداستىرىلدى. 2013 -جىلدىڭ ساۋىرىندە شاڭحايدا قىتايداعى قازاقستاندىق ستۋدەنتتەردىڭ Ⅱقۇرىلتايى ءوتتى. ول قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىنىڭ 20 جىلدىعىنا ورايلاستىرىلعان بولاتىن.

اتالعان شارانىڭ ۇيىمداستىرۋشىلارى قازاقستان رەسپۋبليكاسىنىڭ ءبىلىم جانە عىلىم مينيسترلىگى، ق ح ر- داعى قازاقستان رەسپۋبليكاسىنىڭ ەلشىلىگى، «قىتايداعى قازاقستاندىق ستۋدەنتتەردىڭ قاۋىمداستىعى» بەلسەندىلەرىنىڭ قولداۋىمەن «حالىقارالىق باعدارلامالار ورتالىعى» ا ق بولىپ تابىلادى.