تۇركيانىڭ ەدىرنە قالاسىندا 3 - «الەم تۇركىلەرى فورۋمى» ءوتىپ جاتىر
ال بۇگىن ەكمەكچيزادە احمەت پاشا كەرۆانسارايىندا سەكتسيا جۇمىستارى باستالدى، دەپ حابارلادى تۇركى اكادەمياسىنىڭ باسپا ءسوز قىزمەتى.
تۇركى دياسپوراسى سەكتسياسىندا: «تۇركى مەملەكەتتەرى: مادەنيەت دياسپوراسى مەن تۋريزم» ماسەلەسى قارالسا، تۇركى دياسپوراسى سەكتسياسىندا: «تۇرىك جانە ارميان دياسپورالارى؛ قوعامدىق ديپلوماتيا: مۇمكىندىكتەر مەن تاۋەكەلدەر» تاقىرىبى تالقىلاندى.
ايتا كەتكەن ءجون، بۇل باس قوسۋ تۇرىك ازيا ستراتەگيالىق زەرتتەۋ ورتالىعىنىڭ (TASAM) ۇيىمداستىرۋىمەن بيىل ءۇشىنشى مارتە وتۋدە. تۇركى الەمى مەن تۇركى دياسپورالارىنا ارنالعان فورۋمعا 60 قا جۋىق ەلدەن عالىمدار، مەملەكەت قايراتكەرلەرى، ديپلوماتتار، جۋرناليستەر، ازاماتتىق ۇيىم جانە زيالى قاۋىم وكىلدەرى قاتىسۋدا.
بيىلعى جيىننىڭ ءبىر ەرەكشەلەگى - تۇركى الەمىنە بايلانىستى تۇنعىش رەت، ون ءبىر اتالىم بويىنشا «قىزىل الما» سىيلىعى بەرىلەدى. ول تۇركى الەمىنىڭ كاسىپكەرلىك، ونەر، مادەنيەت، تەحنولوگيا، ديپلوماتيا، عىلىم ت. ب سالالارىندا ۇزدىكتەرگە ارنالعان ماراپات بۇگىن ءوز يەلەرىن تابادى. مۇنداي سىيلىق تاعايىنداۋ ماسەلەسى بىلتىر ساۋىردە ىستامبۇلدا وتكەن II «الەم تۇركىلەرى فورۋمىندا» كوتەرىلىپ، شەشىمىن تاپقان ەدى.
فورۋم اياسىندا وسى قالادا «الەم تۇركىلەرى فورۋمى» اقساقالدار كەڭەسىنىڭ ەكىنشى ءماجىلىسى ۇيىمداستىرىلماق.
ەسكە سالا كەتسەك، بۇل كەڭەسكە قازاقستاننىڭ يۋنەسكو-داعى وكىلى، اقىن ولجاس سۇلەيمەنوۆ مۇشە.
جيىن ەرتەڭ اياقتالادى.
