09:44, 29 - مامىر 2014 | GMT +5
قازاقستاندىق «قازسات-3» عارىش اپپاراتى بەلگىلەنگەن نۇكتەگە جەتتى
استانا. قازاقپارات - «KazSat-3» سپۋتنيگى گەوستاتسيونارلىق وربيتادا 58,5؛ شىعىس بويلىعىنداعى تۇرۋ نۇكتەسىنە جەتتى، 28 - مامىردا سپۋتنيكتىڭ ورنالاسۋىنىڭ اعىمداعى ناۆيگاتسيالىق پارامەترلەرىن ولشەۋ بويىنشا ناقتىلاۋلار جۇرگىزىلدى،
دەپ حابارلايدى قازعارىشتىڭ باسپا ءسوز قىزمەتى.
«KazSat-3» سپۋتنيگى ۇستىمىزدەگى جىلدىڭ 28 - ساۋىرىندە «بايقوڭىر» عارىش ايلاعىنان ۇشىرىلعاننان كەيىن بەلگىلەنگەن وربيتالىق پوزيتسياعا اۋىستىرىلۋى كەزىندە ونىڭ تەحنيكالىق پارامەترلەرىن راستاۋ ماقساتىندا قىزمەتتىك جۇيە مودۋلدەرىنە ۇشۋ- كونسترۋكتورلىق سىناۋلار (بۇدان ءارى ۇ ك س) جۇرگىزىلدى.
بۇگىنگى كۇنى اقكول قالاسى جەرءۇستى باسقارۋ كەشەنىنىڭ جانە «اكادەميك م. ف. رەشەتنيەۆ اتىنداعى ا س ج» ماماندارى بىرىگىپ، سپۋتنيكتىڭ پايدالى جۇكتەمەسىنىڭ ۇ ك س جۇرگىزۋگە دايىندىق بويىنشا جۇمىستار جۇرگىزۋدە.
جوسپارلانعان ۇشۋ- كونسترۋكتورلىق سىناۋلارىن قىركۇيەك ايىنىڭ ورتاسىنا قاراي اياقتاۋ كۇتىلۋدە.
