بالا كەزىندە كوشىپ كەلگەن: 39 جاستاعى قانداسىمىز ەل ازاماتتىعىن الدى

رەسەي فەدەراتسياسىنىڭ استراحان وبلىسىندا ومىرگە كەلگەن جاننا يلباليەۆانىڭ مۇگەدەكتىگى بار. قازىر جاسى - 39-دا. اتىراۋعا بالا كەزىندە كوشىپ كەلگەن. ءبىراق، جەكە باسىن كۋالاندىراتىن قۇجاتى بولماعاندىقتان، قازاقستان رەسپۋبليكاسىنىڭ ازاماتتىعىن الماعان.

«سول سەبەپتەن، ول ومىرلىك قيىن جاعدايدا قالعان ادامداردى قايتا الەۋمەتتەندىرۋگە ارنالعان ورتالىقتا تۇرعان. بۇعان دەيىن وعان الەۋمەتتىك كومەك تاعايىندالماعان. اتىراۋ قالالىق اكىمدىگىنىڭ تىكەلەي ارالاسۋىمەن بۇل ماسەلە شەشىمىن تاپتى. جاننانىڭ جەكە باسىن كۋالاندىراتىن جانە مۇگەدەكتىگى بويىنشا قۇجاتتارىن دايىنداپ بەردىك. ەندى ول الەۋمەتتىك جاردەماقى الاتىن بولدى. وعان Ⅱ توپ مۇگەدەكتىگى تاعايىندالدى. ەڭ باستىسى، قازاقستان رەسپۋبليكاسىنىڭ ازاماتتىعى بەرىلدى. اكىمدىك تاراپىنان ارنايى الەۋمەتتىك قىزمەتكەر ءبولىندى. پاتەرىنىڭ كوممۋنالدىق قىزمەتتەرگە بەرەشەگى تولىعىمەن وتەلىپ، تۇرمىسقا قاجەتتى زاتتارمەن، كيىم-كەشەكپەن تولىق قامتىلدى»، - دەيدى اتىراۋ قالالىق جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمىنىڭ باسشىسى نۇرلى حابيەۆا.

ونىڭ ايتۋىنشا، پاتەر قۇجاتتارىن جاننا يلتباليەۆانىڭ اتىنا راسىمدەۋ جۇرگىزىلىپ جاتىر.

ەسكە سالا كەتەلىك، بۇعان دەيىن اتىراۋدا تۇرعىلىقتى مەكەنجايى جوق 50-گە جۋىق ادام ارنايى ورتالىققا جەتكىزىلگەنىن جازعان ەدىك.

اۆتور: بەك مۇستافا