08:23, 23 - ءساۋىر 2021 | GMT +5
«كانەلو» 39 جاستاعى گولوۆكينمەن ايقاستان قاشقاقتاپ ءجۇر
نۇر- سۇلتان. قازاقپارات - Boxing247.com ءجۋرناليسى مايكل كوللينستىڭ پىكىرىنشە، مەكسيكالىق بوكسشى ساۋل «كانەلو» الۆارەس وزىنە قاۋىپتى جەكپە- جەكتەن، ونىڭ ىشىندە قازاقستاندىق گەننادي گولوۆكينمەن رينگكە شىعۋدان سانالى تۇردە قاشقاقتاپ ءجۇر، دەپ حابارلايدى قازاقپارات Sports.kz-كە سىلتەمە جاساپ.
«كانەلونىڭ پلانتپەن جەكپە- جەككە شىققىسى كەلەتىن جالعىز سەبەبى - وزىمشىلدىك. سونداي- اق جانكۇيەرلەرى كورگىسى كەلەتىن بوكسشىلارمەن كەزدەسۋدەن رەسمي تۇردە اقتالۋعا جاقسى سىلتاۋ. بۇل بوكسشىلار - بەناۆيدەس، چارلو، گولوۆكين، اندراد، بەتەربيەۆ، بەرلانگ جانە بيۆول. ولارمەن ايقاستا «كانەلو» جەڭىلىپ قالۋى مۇمكىن»، - دەيدى اۆتور.
الۆارەستىڭ الداعى جوسپارلارىنا كەلەتىن بولساق، مامىر ايىندا ول بريتاندىق بيللي دجو ساۋندەرسپەن جەكپە- جەككە شىعادى.
