19:17, 21 - ماۋسىم 2018 | GMT +6
يراندىق ايەلدەر 39 جىلدان كەيىن ەرلەر سەكىلدى فۋتبول كورۋ قۇقىعىنا يە بولدى
استانا. قازاقپارات - 1979-جىلدان بەرى يراندىق ايەلدەر ەر ازاماتتارمەن قاتار فۋتبول تاماشالاۋ قۇقىعىنان ايىرىلعان بولاتىن.
ەندى زامان تالابىنا ساي وزگەرىسكە ۇشىراعان يران بيلىگى نازىك جاندىلارعا سۇيگەن سپورت ءتۇرىن قىزىقتاۋعا تولىعىمەن رۇقسات بەرگەن دەپ حابارلايدى NUR. KZ.
يران قۇراماسى مەن يسپانيا اراسىنداعى ويىن كەزىندە تاريحي وقيعا ورىن الدى. يران مەملەكەتى 1979-جىلدان بەرى تۇڭعىش رەت ايەلدەرگە ەرلەرمەن بىرگە فۋتبول تاماشالاۋعا رۇقسات بەردى.
تەگەرانداعى «ازادي» ستاديونىنا جينالعان جۇرتشىلىق اراسىندا ايەلدەر قاۋىمى دا بوي كورسەتكەن. جينالعان 10 مىڭنان اسا جانكۇيەردىڭ قولداۋىنا قاراماستان يراندىقتار يسپانيادان جەڭىلىس تاپتى.
توپتىق تىزىمدە يران ءۇش ۇپايمەن سايكەسىنشە ءۇشىنشى ورىندى يەلەندى.