استانادا «التىن بەلگى» الىپ، گرانتقا ىلىكپەگەن 39 تۇلەككە تەگىن وقۋ مۇمكىندىگى ۇسىنىلدى
قازاق ينجەنەرلىك-تەحنيكالىق اكادەمياسىنىڭ رەكتورى تالعات يگىلىكوۆ وقۋ ورنى «التىن بەلگى» يەگەرلەرىمەن بايلانىسىپ، ولارعا تەگىن وقۋ ۇسىنۋ ءۇشىن ق ر عىلىم جانە ءبىلىم مينيسترلىگىنە ولاردىڭ اتى-ءجونى تۋرالى اقپارات بەرۋدى سۇراپ ءوتىنىش جىبەرگەنىن ايتتى.
«ءبىز ولارعا كومەكتەسكىمىز كەلەدى. تاجىريبەدەن بىلەمىز، مۇنداي وقۋشىلار توپتى سوڭىنان ەرتە الادى، سوندىقتان دا ولاردىڭ بىلىمگە دەگەن قۇلشىنىسى جوعارى. بۇل ءبىزدىڭ جەكە قىزىعۋشىلىعىمىز. مەن 39 تالاپكەردىڭ ءبارى بىزگە تاپسىرادى دەپ ويلامايمىن، دەگەنمەن كەز كەلگەنى كەلە الادى»، - دەدى يگىلىكوۆ.
ول 2007-جىلى قۇرىلعان اكادەميا قۇرىلىس سالسىنداعى مامانداردى دايىندايتىنىن ايتتى. «بىزدە ءتورت باعىت بار - قۇرىلىس ەكونوميكاسى، جەرگە ورنالاستىرۋ، قۇرىلىس جانە ەنەرگەتيكا. مىسالى، ەكونوميكالىق بلوكتا بۋحگالتەرلىك ەسەپ، ەكونوميكا جانە مەنەدجمەنت بار»، - دەدى رەكتور.
سونىمەن قاتار، ول رەكتور گرانتىندا وقىعاندارعا شاكىرتاقى تولەنبەيتىنىن، دەگەنمەن «التىن بەلگى» يەگەرلەرى ءۇشىن مۇنىڭ دا قاراستىرىلاتىنىن مالىمدەدى. تالاپكەرلەر استانادان باسقا ايماقتان كەلگەن بولسا، ولارعا جاتاقحانا دا بەرىلەدى. «التىن بەلگى» يەگەرلەرى وسى اكادەميادا ءبىلىم العىسى كەلسە، 24- تامىزعا دەيىن قۇجات تاپسىرۋى كەرەك.
ەسكە سالا كەتەيىك، قازاقستاننىڭ ءبىلىم جانە عىلىم مينيسترلىگىنىڭ وكىلدەرى 12- تامىزدا وتكەن بريفينگتە «التىن بەلگى» يەگەرى بولعان 39 تۇلەكتىڭ، حالىقارالىق وليمپيادالاردىڭ سەگىز جەڭىمپازى، حالىقارالىق عىلىمي جارىستاردىڭ 92 جۇلدەگەرى جانە ءتۇرلى شىعارماشىلىق جانە سپورت جارىستارىنىڭ 293 جەڭىمپازى دا گرانتقا ىلىگە الماعانىن حابارلادى. «بىزدە تەك «التىن بەلگى» يەگەرلەرى عانا نەمەسە وليمپيادا جەڭىمپازدارى عانا كىرگەن ءبىرقاتار ماماندىق بار. بۇل، ايتالىق، حالىقارالىق قاتىناستار، شىعىستانۋ، شەتەل فيلولوگياسى، قۇقىقتانۋ، كەدەن ءىسى، ەكونوميكالىق بارلىق ماماندىقتار، مەديتسينا. 39 «التىن بەلگى» يەگەرى گرانت الا المادى. سەبەبى، جاستاردىڭ بۇل كاتەگورياسى تەك سۇرانىسقا يە ماماندىقتاردى بەلگىلەيدى. ارينە، ولار ءوز بالدارى بويىنشا تىزىلەدى، ال ەكونوميكالىق جانە قۇقىقتانۋ ماماندىقتارىنا گرانتتار سانى ازايادى»، - ءبىلىم جانە عىلىم مينيسترلىگىنىڭ جوعارى، جوعارى وقۋ ورنىنان كەيىنگى جانە حالىقارالىق قاتىناستار دەپارتامەنتىنىڭ ديرەكتورىنىڭ مىندەتىن اتقارۋشى سەرىك ومىربايەۆ.
