سولتۇستىك قازاقستان وبلىسىندا يندۋستريالاندىرۋ كارتاسىنا 39 كومپانيا ەنگىزىلدى

پەتروپاۆل. قازاقپارات - سولتۇستىك قازاقستان وبلىسىنىڭ اكىمى ەرىك سۇلتانوۆ ايماقتىق يندۋستريالاندىرۋ كارتاسىنا كىرگەن كاسىپورىنداردىڭ وكىلدەرىمەن كەزدەستى.

بۇگىندە وعان 39 سولتۇستىك قازاقستاندىق كومپانيا ەنگىزىلدى، سونىڭ ىشىندە 20 سى ءوندىرىسىن بيىلعى جىلى ىسكە قوسىپ وتىر.

«قاڭتار ايىندا «رادۋگا» ج ش س- ءنىڭ پلاستماسسا، مەتالل جانە قۇبىر بۇيىمدارىنىڭ ءوندىرىسى پايدالانۋعا ەنگىزىلدى. وندىرىستە ءتيىمدى تەحنولوگيالار قولدانىلىپ جاتىر، جوسپارلانىپ وتىرعان قۋاتتىلىق جىلىنا شامامەن 1000 توننا ءونىمدى قۇراپ وتىر»، - دەپ حابارلادى ايماق باسشىسىنىڭ باسپا ءسوز قىزمەتىنەن.

«ج ن ۆ» ج ش س (ماعجان جۇمابايەۆ اۋدانى) يندۋستريالاندىرۋ كارتاسىنا ساپالى ەت ونىمدەرى مەن جارتىلاي فابريكاتتار ءوندىرىسىنىڭ كولەمىن ءوسىرۋ جوباسىمەن كىردى. جىلىنا 180 نەن استام توننا دايىن ءونىمدى شىعارۋ جوسپارلانعان. 2014-جىلى كومپانيا بەلارۋستەن ليمۋزين تۇقىمدى مالىن ساتىپ الدى. «ج ن ۆ» ج ش س- ءنىڭ جوباسىن ىسكە اسىرۋعا اعىمداعى جىلدىڭ ناۋرىز ايىندا كىرىسكەن.

ناۋرىز ايىندا قىزىلجار اۋدانىنداعى «زەنچەنكو ي ك» ەكى جەل- ەنەرگەتيكالىق قۇرىلعىنىڭ قۇرىلىسى جوباسىن ىسكە اسىردى. سەرىكتەستىكتە شارۋاشىلىقتىڭ ەلەكتر ەنەرگياسىنا قاجەتتىلىكتەرىن تولىق قاناعاتتاندىرىپ، ەنەرگيالىق شىعىنداردى ايتارلىقتاي قىسقارتاتىن 4 ەنەرگيالىق اگرەگاتور جۇمىس ىستەپ وتىر.

بيىلعى جىلدىڭ مامىر ايىندا وبلىستىق يندۋستريالاندىرۋ كارتاسىنا كىرەتىن تاعى ءۇش جوبانى باستاۋ بەلگىلەنگەن. وسىلايشا، اققايىڭ اۋدانىنداعى «روستان» ج ش س جاڭعىرتىلىپ، سونىڭ ارقاسىندا شىعارىلىپ جاتقان ونىمدەردىڭ كولەمى جىلىنا 140 تونناعا دەيىن ارتتى.

پەتروپاۆلدا قۇرىلىس سالاسىنىڭ جوبالارى دا پايدالانۋعا ەنگىزىلەدى: «پوليمەر كومپوزيتتەرى زاۋىتى» ج ش س كومپوزيت ماتەريالدارىنىڭ ءوندىرىسىن ىسكە قوسسا، ج ك ءجۇنىسوۆ نارىققا جىلۋى ءتيىمدى بلوكتاردىڭ وندىرىسىمەن شىعىپ وتىر.

يندۋستريالاندىرۋ كارتاسىنىڭ تاعى 14 جوباسى ءبىر جىلدىڭ ىشىندە ىسكە قوسىلماق.

«ماۋسىم ايىندا تاعى 11 جوبا قاراستىرىلادى. ءبىز جاڭا باستامالاردى ءارقاشان قولداۋعا دايىنبىز»، - دەپ تۇيىندەدى ە. سۇلتانوۆ.