قازاقستان قۇراماسى 39 مەدال جەڭىپ الدى

استانا. قازاقپارات - جازعى سپورت ويىندارىنىڭ 8 تۇرىنەن 12 التىن، 11 كۇمىس جانە 16 قولا مەدال.

بۇل -  قازاقستان قۇراماسىنىڭ بەلگيادا كورسەتكەن ناتيجەسى.

ارنايى وليمپياداعا ەلىمىزدەن 41 سپورتشى قاتىسقان بولاتىن. ولار سپورتتىڭ جەڭىل اتلەتيكا، ستول تەننيسى، ۆەلوسپورت، سۋدا ءجۇزۋ، بادمينتون، باسكەتبول، بوچچا، ياعني، جەردەگى بيليارد تۇرلەرى بويىنشا باق سىناستى.

دينارا ەسىمحانوۆا، ستول تەننيسىنەن قازاقستان قۇراماسىنىڭ باپكەرى:

- تەك تەننيسشىلەردىڭ ءوزى 8 مەدالعا يە بولدى. ءبىز ەلىمىزگە 2 التىن، قوس كۇمىس، 4 قولا جۇلدە الىپ بارا جاتىرمىز. سپورتشىلارىمىز ريزا. ءوزىم دە جاتتىقتىرۋشى رەتىندە كوماندامنىڭ كورسەتكەن ناتيجەسىنە ريزامىن.

ەل قۇراماسى حالىقارالىق دودانىڭ ءار كۇنىندە، ءار سپورت تۇرىنەن جۇلدەگەر اتانىپ وتىردى. ءسويتىپ سپورتشىلارىمىزدىڭ تاس-ءتۇيىن دايىندىعى ەلدىڭ سەنىمىن تولىعىمەن اقتادى.

يرينا كوچەگوۆا، ستول تەننيسىنەن 2014 - جىلعى ارنايى جازعى اليمپيادا ويىندارىنىڭ چەمپيونى: - مەن وسكەمەندە تۇرامىن، قازاقستان ءۇشىن التىن مەدال الدىم.

جارىلعاس ماڭدايلى، باسكەتبولدان قازاقستان قۇراماسىنىڭ باس جاتتىقتىرۋشىسى:

- بۇكىلالەمدىك جازعى وليمپيادا ويىندارىنا كەلۋى -  بالالار ءۇشىن وتە ۇلكەن ناتيجە، قۇرمەت. بالالار وسى ويىنعا شىققان ۋاقىتتا وزدەرىن وتە جاقسى سەزىنەدى، كوپتەگەن دوستار تابادى. وسى ويىندار ارقىلى بالالاردىڭ مۇمكىنشىلىكتەرى بۇرىنعىدان مولايا ءتۇسىپ، الداعى ويىندارعا قاتىسۋعا قۇلشىنىستارى ارتادى.

كەلەسى جىلى Special Olympics Kazakhstan قوزعالىسى ءوزىنىڭ 25 جىلدىق مەرەيتويىن اتاپ وتپەك. «ءبىزدىڭ سپورتشىلارىمىز لوس-انجەلەستە وتەتىن بۇكىل الەمدىك ارنايى وليمپيادا ويىندارىنا مىندەتتى تۇردە قاتىساتىن بولادى»، - دەيدى قوزعالىس مۇشەلەرى.

 

24.kz