قىتايدىڭ 39 ازاماتى قىرعىزستاندا بۇلىك شىعاردى

قىتاي ازاماتتارى توقماق مۇناي وڭدەۋ زاۋىتىندا ەرەۋىل ۇيىمداستىرعان.
مەملەكەتتىك ىشكى ىستەر باسقارماسىنىڭ مالىمەتىنشە، مەتال شىبىقتارمەن، ارماتۋرامەن، قۇرىلىس قۇرالدارىمەن، ىستىكتەرمەن قارۋلانعان ادامدار كاسىپورىن اۋماعىنا قۇرىلىس تەحنيكاسى مەن جەرگىلىكتى جۇمىسشىلاردى كىرگىزبەگەن.
ولار باسشىلىقتان جالاقى بويىنشا قارىزدى تولەۋدى تالاپ ەتتى. ميليتسيا مەن كاسىپورىن جەتەكشىلىگى تارتىپسىزدىكتى توقتاتۋعا ارەكەتتەندى. ءبىراق جۇمىسشىلار كەلىسسوزگە كەلۋدىڭ ورنىنا بەلسەندى قارسىلىق كورسەتتى.
زاۋىت باسشىلىعى ارنايى جاساق شاقىرتۋعا ءماجبۇر بولدى. ميليتسيا قىزمەتكەرلەرى بۇلىكشىلەردى ۇستاۋ ءۇشىن اۋاعا بىرنەشە رەت وق اتتى.
شۋ وبلىسى مەملەكەتتىك ىشكى ىستەر باسقارماسىنا قىتايدىڭ 39 ازاماتى اكەلىندى. ولاردىڭ قۇجاتىن تەكسەرگەن كەزدە 29 ىنىڭ ۆيزا ءتارتىبىن بۇزعانى بەلگىلى بولدى. بۇعان قوسا، ولار قىرعىزستان اۋماعىندا زاڭسىز ەڭبەك ەتىپ جاتقان بولىپ شىقتى. زاۋىتتا تارتىپسىزدىك ۇيىمداستىرعانى ءۇشىن توقماق قالالىق سوتىنىڭ شەشىمىمەن قىتاي ازاماتتارى ەلدەن شىعارىلاتىن بولدى.