20:10, 12 - قىركۇيەك 2022 | GMT +5
الماتىدان 399 كيلومەتر قاشىقتىقتا جەر سىلكىندى
الماتى. قازاقپارات – ق ر توتەنشە جاعدايلار مينيسترلىگىنە قاراستى «ستاك» ج ش س- نىڭ سەيسميكالىق ستانسالار جەلىسى 12- قىركۇيەك كۇنى الماتى ۋاقىتىمەن 17:02 دە جەر سىلكىنىسىن تىركەدى، دەپ حابارلايدى قازاقپارات.
«ءزىلزالا وشاعى الماتى قالاسىنان سولتۇستىك-شىعىسقا قاراي 399 كيلومەتر قاشىقتىقتا قازاقستان اۋماعىندا ورنالاسقان. جەر سىلكىنىسىنىڭ ەنەرگەتيكالىق كلاسى 8.8. ماگنيتۋداسى MPV 4.1. باعىتى 46.20 گرادۋس. ە. 79.67 ش. ب. تەرەڭدىگى - 20 كيلومەتر. سەزىلۋى تۋرالى دەرەك جوق»، - دەلىنگەن حابارلامادا.
