اسكەر جاسىنداعى 39 مىڭ ادامنىڭ 7 مىڭنان استامى عانا جارامدى - ب ق و
بۇل تۋرالى اسكەرگە شاقىرۋ ماسەلەسىنە ارنالعان جيىندا وبلىس اكىمىنىڭ ورىنباسارى باقتيار ماكەن ءمالىم ەتتى.
ب. ماكەننىڭ اتاپ وتكەنىندەي، ەڭ الدىمىن اۋداندىق قورعانىس ىستەرى جونىندەگى بولىمدەر ءوز جۇمىستارىن تالاپقا ساي ۇيىمداستىرۋى كەرەك. كۇزگى-قىسقى شاقىرىلىمنىڭ ناتيجەسىنە سايكەس الداعى جىل جوسپارى بەلگىلەنىپ، ارتتا قالعان اۋداندار انىقتالادى.
ەڭ باستىسى، اسكەرگە كەتەتىندەردى ساپالى جاساقتاۋعا نازار اۋدارۋ كەرەك. دەنساۋلىعى سىر بەرىپ، كەيىن قايتىپ كەلەتىندەر بولماۋى ءتيىس.
ب ق و قورعانىس ىستەرى جونىندەگى دەپارتامەنتى باستىعىنىڭ ورىنباسارى، شاقىرىلىم باسقارماسىنىڭ باستىعى مۇراتبەك سارسەنعاليەۆتىڭ سوزىنە قاراعاندا، قازىر اسكەرگە بارعىسى كەلەتىندەر از ەمەس. كوكتەمدە قارۋلى كۇشتەر قاتارىنا وڭىردەن 800 دەي ادام اتتاندى.
ب ق و قورعانىس ىستەرى جونىندەگى دەپارتامەنتىنىڭ باستىعى البەرت جاكيايەۆتىڭ ايتۋىنشا، تۇيتكىلدى ماسەلەلەردىڭ ءبىرى - جاستاردىڭ دەنساۋلىعى.
قازىرگى كەزدە اسكەر جاسىنداعى 39 مىڭنان استام ادام ەسەپتە تۇرسا، سونىڭ 7869 ىنىڭ عانا دەنساۋلىعى جارامدى.
كەڭەستە باسقا دا كوكەيكەستى جايتتار قوزعالىپ، ولاردى شەشۋ جولدارى جونىندە ۇسىنبالار بەرىلدى.
اۆتور: قانات مامەتقازى ۇلى
