جاپونياداعى اپتاپ ىستىق: 39 ادام كوز جۇمىپ، 13,7 مىڭ تۇرعىن اۋرۋحاناعا جەتكىزىلدى

استانا. قازاقپارات - جاپونيادا وسى اپتادا اپتاپ ىستىق سالدارىنان كەم دەگەندە 39 ادام قايتىس بولدى، 13,7 مىڭ ادام كۇن ءوتىپ، اۋرۋحاناعا ءتۇستى.

بۇل تۋرالى سەيسەنبى كۇنى جاپونيانىڭ باس ءورت ءسوندىرۋ باسقارماسى ءمالىم ەتتى، دەپ حابارلايدى ت ا س س.

ءبىر اپتانىڭ ىشىندە 13 مىڭ 721 ادام اۋرۋحاناعا جەتكىزىلدى.

جاپونيانىڭ ورتالىق جانە باتىس اۋداندارىندا قاتتى ىستىقتىڭ بەتى قايتار ەمەس. مىسالى، گيفۋ تاۋلى پرەفەكتۋراسىندا دەمالىس كۇندەرى تەرمومەتر باعانى 39 گرادۋستان اسىپ، وسى جازداعى رەكوردتىق كورسەتكىش بولدى. توكيودا ءتىپتى تاڭەرتەڭ اۋا تەمپەراتۋراسى 33-34 گرادۋسقا جەتۋدە.

بىلتىر وسى ەلدە ىستىق سالدارىنان 44 ادام كوز جۇمىپ، ون مىڭداعان ادام اۋرۋحاناعا تۇسكەن بولاتىن.