اباي قالاسىندا 38 ميلليون تەڭگەنىڭ تەمەكى بۇيىمدارى زاڭسىز اينالىمنان الىندى

قاراعاندى. قازاقپارات - قاراعاندى وبلىسى اباي قالاسىندا زاڭسىز اينالىمنان 11,5 مىڭنان استام تەمەكى بۇيىمدارى الىندى، دەپ حابارلايدى قازاقپارات مەملەكەتتىك كىرىستەر كوميتەتىنە سىلتەمە جاساپ.

قاراعاندى وبلىسى بويىنشا مەملەكەتتىك كىرىستەر دەپارتامەنتى قاراعاندى وبلىسى بويىنشا ە ت د جانە قاراعاندى وبلىسى پ د ۇ ق ق ك ب- مەن ءوزارا ءىس- قيمىل جاساي وتىرىپ، 28-شىلدەدە سايكەستەندىرۋ قۇرالدارىمەن تاڭبالانۋعا جاتاتىن اكتسيزدەلەتىن ءونىمنىڭ زاڭسىز اينالىمى بويىنشا كەزەكتى قىزمەتتىڭ جولىن كەستى.

اباي قالاسىنداعى قويما ءۇي- جايلارى مەن دۇكەنىنىڭ ءبىرىن تەكسەرۋ بارىسىندا ەلەكتروندىق تەمەكى، ۆەيپ- قۇرىلعىلار جانە ولارعا سۇيىقتىق تۇرىندەگى 11,5 مىڭنان استام زاڭسىز تەمەكى بۇيىمدارى انىقتالدى. زاڭسىز ءونىم كوتەرمە جانە بولشەك ساۋدادا ساتىلىپ، جەتكىزۋ وبلىس شەگىندە دە، قازاقستاننىڭ باسقا وڭىرلەرىنە دە جۇزەگە اسىرىلعان.

الىنعان ءونىمنىڭ نارىقتىق قۇنى - شامامەن 38 ميلليون تەڭگە.

اكىمشىلىك ءىس قوزعالدى. تاۋار تاركىلەنىپ، ودان ءارى جويىلۋى بولجانادى.