سيرەك كەزدەسەتىن اۋرۋعا شالدىققان بۇلدىرشىنگە 38 ميلليون تەڭگەنىڭ ءدارىسى بەرىلدى

بالالار اۋرۋحاناسى ديرەكتورى گۇلجان ەرمەكبايەۆانىڭ ايتۋىنشا ەمدىك پرەپارات قۇنى رەسپۋبليكالىق بيۋدجەتتەن قارجىلاندىرىلعان.

س م ا - جۇلىن بۇلشىقەتتەرىنىڭ اتروفياسى. بۇل - جۇلىن بۇلشىقەتىنىڭ قيمىل-قوزعالىسقا جاۋاپ بەرەتىن بولىگىنىڭ السىزدىگىنەن تۋىندايتىن سيرەك كەزدەسەتىن تۋا ءبىتتى اۋرۋ ءتۇرى.

م. وسپانوۆ اتىنداعى باتىس قازاقستان مەديتسينا ۋنيۆەرسيتەتى «نەۆرولوگيا جانە پسيحاتريا» كافەدراسىنىڭ ءبولىم مەڭگەرۋشىسى، دوتسەنت د. ن اياعانوۆ، ماڭعىستاۋ وبلىستىق كوپبەيىندى بالالار اۋرۋحاناسىنىڭ نەۆرولوگيا ءبولىمىنىڭ مەڭگەرۋشىسى ماريا الدابەرگەنوۆا جانە اتالعان اۋرۋحانانىڭ رەانيماتسيا ءبولىمىنىڭ مەڭگەرۋشىسى مەرەكە نۇرداۋلەت ۇلى جالپى انەستەزيا بويىنشا ينپراتەكالدى تۇردە ءبۇلدىرشىننىڭ جۇلىن-ميىنا «سپينرازا» اتتى گەندىك پرەپاراتتى ەكتى.

دارىگەرلەر مەديتسينالىق كورسەتكىش بويىنشا ناۋقاستىڭ قيمىل-قوزعالىس دەڭگەيى جاقسى دەپ باعالادى. ەم-شارا اسقىنۋسىز وتكەن.

جالپى اتالعان پرەپاراتتى ناۋقاسقا 4 مارتە سالۋ قاجەت.

ەندى 3-قاڭتار، 20-قاڭتار جانە اقپان اياعىنىڭ سوڭىندا سالىنادى.

پرەپاراتتى سالماستان بۇرىن دارىگەرلەر ناۋقاستىڭ جاعدايىن قاداعالاپ، تولىق تەكسەرۋدەن وتكىزەدى.

سونداي-اق، «سپينرازا» امپۋلاسىنان بولەك، س م ا اۋرۋىنا شالدىققان بالالارعا تابلەتكا تۇرىندەگى «ريسديپلام» اتتى ءدارى دە تاعايىندالىپ وتىر.

ايتا كەتەيىك، بۇگىندە ماڭعىستاۋ وبلىسىندا جۇلىن بۇلشىقەت اتروفياسى گەنەتيكالىق اۋرۋىنا شالدىققان 4 بالا بار.

ولار ءاردايىم اتا-انانىڭ جانە دارىگەرلەردىڭ باقىلاۋىندا.