13:42, 18 - مامىر 2020 | GMT +5
اقمولا وبلىسىندا 38 بلوكپوستىڭ التاۋى عانا قالدى
كوكشەتاۋ. قازاقپارات - اقمولا وبلىسىندا 38 بلوكپوستىڭ التاۋى قالدى، دەپ حابارلايدى قازاقپارات ءتىلشىسى اقمولا وبلىسى بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە سىلتەمە جاساپ.
دەپارتامەنت باسشىسى ايناگۇل مۋسينانىڭ ايتۋىنشا، قالعان بلوكپوستار كورشى وبلىستارعا قاتىنايتىن جولداردىڭ بويىندا ورنالاسقان. سونىمەن قاتار، تسەلينوگراد اۋدانىندا اينالا ورنالاسقان بلوكپوستار ازىرگە جۇمىسىن جالعاستىرۋدا. «وبلىس بويىنشا بارلىعى 38 بلوكپوستىڭ التاۋى قالدى»، - دەيدى ۆەدومستۆو باسشىسى.
سونىمەن قاتار، دەپارتامەنتتەن اتاپ وتكەندەي، اپتا ىشىندە كوروناۆيرۋس وقيعاسى وبلىستا 2 ەسە ۇلعايىپ، 25 تەست ناتيجەسى وڭ بولىپ وتىر.
ايتا كەتەيىك، سوڭعى مالىمەتتەر بويىنشا ىندەت تاراعاننان بەرى اقمولا وبلىسىندا COVID-19 جالپى 126 (+1) ادامدا راستالدى، 96 ادام جازىلىپ شىقتى جانە 4 ادام قايتىس بولعان.
