پوليتسيا 38 جىل بۇرىن ۇرلانعان كولىكتى يەسىنە قايتاردى
Fox news حابارلاۋىنشا، 1979 - جىلى شامپان فرانسۋز پروۆينتسياسىندا جوعالعان كوگىلدىر Peugeot 104 ءوز يەسىمەن 38 جىلدان كەيىن قاۋىشادى. جىلدار بويى توعاننىڭ استىندا جاتقان اۆتوكولىكتى پوليتسيا قىزمەتكەرلەرى قۇرعاقشىلىق كەزىندە تاپقان.
تاڭعالارلىعى اۆتوكولىك سوڭعى جىلداردا ءوزىنىڭ العاشقى كەزدەگى كەلبەتىن ساقتاپ قالعان. سۋرەتتە كورىنىپ تۇرعانداي، ءتورت ەسىكتىڭ بوياۋى كەتپەگەن، ال بامپەرىندە حروم قالعان. جاقىن ۋاقىتتا «پەجونىڭ» ءجۇرۋى ەكىتالاي. 38 جىل ىشىندە قاقپاقتىڭ استىنا شاياندار ۇيا سالىپ العان، ولاردى قۇتقارۋشىلار شىعارىپ توعانعا قايتا جىبەردى.
كولىكتىڭ يەسىن تابۋ ءۇشىن پوليتسيا قىزمەتكەرلەرى كوپ ەڭبەكتەندى. اۆتوكولىكتى ءبىرىڭعاي ەلەكتروندىق مالىمەت بازاسى بولماعان كەزدە ۇرلاپ كەتكەن. سول سەبەپتى، پوليتسيا قىزمەتكەرلەرى وزدەرىنە كەرەكتى ارىزدى تابۋ ءۇشىن ارحيۆتەگى تولى قاعازدى اقتارىپ شىققان. ناتيجەسىندە، كوگىلدىر Peugeot 104 كولىگىنىڭ يەسى رەيمس قالاسىنىڭ تۇرعىنى بولىپ شىقتى.
كولىكتى تاپقاندىعىن ەستىگەندە ايەل قاتتى تاڭعالعان جانە پوليتسيا قىزمەتكەرلەرىنىڭ ءوزىن ىزدەگەنىنە ريزا بولعان. پوليتسيا قىزمەتكەرلەرىنىڭ ەسەپتەۋىنشە، ايەل كولىكتەن باس تارتادى، ءبىراق وتكەن شاقتى ەسكە الىپ، ساعىنىشىن باسۋ ءۇشىن كولىگىن كورۋگە كەلەدى.
دەرەككوز: mail.ru
