قوستاناي وبلىسىنىڭ 38 جاستاعى تۇرعىنى بۇكىل ءومىرىن قۇجاتسىز وتكىزىپ كەلگەن
ءوزىنىڭ ءتىرى ەكەنىن ەر كىسىگە سوت ارقىلى دالەلدەۋىنە تۋرا كەلگەن.
بۇل تۋرالى ng.kz-كە سىلتەمە جاساپ nur.kz حابارلايدى.
نە تۋۋ تۋرالى كۋالىگى، نە جەكە كۋالىگى بولماعان ازامات تەك ءوزىنىڭ 1977-جىلى 14- ماۋسىمدا اقمولا وبلىسىنىڭ ەسىل قالاسىندا دۇنيەگە كەلگەنىن ايتا العان.
قوستاناي وبلىسى سوتىنىڭ باسپا ءسوز قىزمەتى حابارلاعانداي، «ەر كىسىنىڭ تۋىلۋى تۋرالى اكتىسى ەشبىر قۇزىرلى مەكەمەدە تىركەلمەگەن». ءتىپتى اۋداندىق ەمحانادا دا ەر كىسىنىڭ دۇنيەگە كەلگەنىن راستايتىن قۇجات تابىلماعان. سەبەبى تۋىلۋ فاكتىسىن تىركەيتىن جۋرنال تەك 25 جىل ساقتالادى.
سوتتا ەر كىسىنىڭ اپكەلەرى مەن 2000-جىلى قايتىس بولعان اناسى دا ءومىر بويى قۇجاتسىز جۇرگەنى انىقتالعان. ءوز بالالارىن ول تىركەۋدى ءجون ساناماعان.
سوت تۇرعىننىڭ ءوز تۋىلعان مەرزىمى مەن مەكەنىن دۇرىس كورسەتكەنىن راستادى. دالەل رەتىندە ونىڭ 1985-جىلى ءبىرىنشى سىنىپقا قابىلدانۋى تۋرالى بۇيرىعى نەگىزگە الىنعان.
