شىمكەنتتە جىل سوڭىنا دەيىن 38 كوپقاباتتى تۇرعىن ءۇي پايدالانۋعا بەرىلەدى
وسى جانە وزگە دە ماسەلەلەر قالا اكىمى عابيدوللا ءابدىراحىموۆتىڭ ءتوراعالىق ەتۋىمەن وتكەن قالا اكىمدىگىنىڭ ماجىلىسىندە كەڭىنەن تالقىلاندى. اتالعان ماجىلىسكە اكىم ورىنباسارلارى، اپپارات باسشىسى جانە مەملەكەتتىك مەكەمەلەردىڭ باسشىلارى قاتىستى، دەپ حابارلادى قالا اكىمدىگىنىڭ باسپا ءسوز قىزمەتىنەن.
ءماجىلىستىڭ كۇن تارتىبىندە 4 ماسەلە قارالدى. الدىمەن قالالىق ەكونوميكا جانە قارجى ءبولىمىنىڭ باسشىسى راقىمبەردى مۇلكەمانوۆ ۇستىمىزدەگى جىلدىڭ 9 ايىندا اتقارىلعان جۇمىستار بويىنشا بايانداما جاسادى. باياندامادا بەلگىلى بولعانداي، مەملەكەتتىك «دامۋ» باعدارلاماسى اياسىندا اتقارىلعان شارۋالار ءالى دە بولسا كوڭىل قۋانتاتىن ەمەس. وسىعان وراي، قالا اكىمى سالا باسشىسىنا اتالمىش باعدارلامادا مەجە ەتىلگەن ينديكاتورلىق كورسەتكىشتەردى جىل سوڭىنا دەيىن تولىعىمەن ورىنداۋدى، بۇل قاتاردا، ورىندالماي قالۋ ءقاۋىپى بار 16 ينديكاتور بويىنشا اپتا ۋاقىت ىشىندە جان- جاقتى تالداۋ جۇرگىزۋدى تاپسىردى.
ءماجىلىستىڭ كۇن تارتىبىندە، سونداي-اق، قالالىق كاسىپكەرلىك ءبولىمىنىڭ باسشىسى اسقار قانىبەكوۆتىڭ، قالالىق قۇرىلىس ءبولىمىنىڭ باسشىسى ەركىن بۇقاربايەۆتىڭ جانە شىمكەنت قالاسى بويىنشا مەملەكەتتىك كىرىستەر باسقارماسىنىڭ باسشىسى اسىلبەك اراپبايەۆتىڭ اتقارعان جۇمىستارى بويىنشا ەسەبى تىڭدالدى.
جيىندى قورىتىندىلاعان قالا اكىمى عابيدوللا ءابدىراحىموۆ ءتيىستى سالا ماماندارىنا ناقتى تاپسىرمالار جۇكتەدى.
