10:23, 18 - تامىز 2015 | GMT +5
يندونەزيادا ۇشاق قۇلاعان جەردەن 38 ادامنىڭ ءمايىتى تابىلدى
استانا. قازاقپارات - يندونەزيادا قۇتقارۋشىلار Trigana كومپانياسىنىڭ ATR 42-300 ۇشاعى قۇلاعان جەردەن 38 ادامنىڭ ءمايىتىن تاپتى، دەپ حابارلادى Reuters.

«37 ەرەسەك ادامنىڭ جانە ءبىر بالانىڭ ءمايىتى وقيعا ورنىنان تابىلدى»، - دەدى يندونەزيا كولىك مينيسترلىگىنىڭ وكىلى.
ول سونىمەن بىرگە اۋا رايىنىڭ قولايسىزدىعىنان قازا تاپقانداردىڭ ءمايىتىن تاسىمالداۋعا مۇمكىندىك بولماعانىن ايتتى.
وسىعان دەيىن يندونەزيادا قۇتقارۋشىلار ۇشاق قۇلاعان جەرگە جەتكەنى حابارلانعان، دەپ جازدى «گازەتا. رۋ».