تالدىقورعاندا جول اپاتى قۇرباندارىن ەسكە الۋ قۇرمەتىنە اسپانعا 388 اق ءتۇستى شار ۇشىرىلدى - فوتو

تالدىقورعان. قازاقپارات - تالدىقورعاندا پوليتسەيلەر شارا ۇيىمداستىرىپ، قالالىقتارمەن بىرگە جول-كولىك وقيعالارىنىڭ قۇرباندارىن ەسكە الدى.

الماتى وبلىسى ءى ءى د باسپا ءسوز قىزمەتىندە حابارلاعانداي، وسى جىلى ون ايدا ءوڭىر جولدارىندا 388 ادام قازا تاۋىپ، 1760 ادام ءتۇرلى دارەجەدەگى جاراقات الدى. تالدىقورعاندا جول اپاتىنان قازا تاپقان ادامدار سانىن ەسەپكە الىپ، اسپانعا 388 اۋە شارى ۇشىرىلدى. اسپاندى اپپاق تۇسكە بوياپ ۇشىرىلعان شارلار جيىلعان قاۋىمعا جول- كولىك اپاتى پروبلەماسىنىڭ وزەكتى ەكەندىگىن ۇعىندىرعانداي بولدى.

«بۇل پروبلەماعا جۇرتشىلىق كوڭىلىن اۋدارۋعا پوليتسەيلەر باستاماشىلىق ەتتى. سەبەبى ولار كۇندەلىكتى وسىنداي اۋىر جاعدايدىڭ كۋاسى بولۋدا. ارينە ءبىزدىڭ تاراپىمىزدان، بۇل شارانىڭ نەگىزگى ماقساتى حالىقتى جولدا جۇرگەندە بارىنشا اباي بولۋعا شاقىرۋ دەسە دە بولادى»، - دەپ اتاپ ءوتتى جول پليتسياسىنىڭ وكىلى ا. جۇماعۇلوۆا.

سونداي-اق اپاتتان زارداپ شەككەندەردى قولداۋ ءۇشىن جاس وفيتسەرلەر ءداستۇرلى قان تاپسىرۋعا قاتىستى.