قىزىلوردا وبلىسىندا يندۋستريالاندىرۋ باعدارلاماسى اياسىندا 387,7 ميلليارد تەڭگەنىڭ 50 جوباسى ىسكە اسىرىلادى

استانا. قازاقپارات - يندۋستريالاندىرۋ باعدارلاماسىنىڭ ەكىنشى بەسجىلدىعى اياسىندا سىر وڭىرىندە 387,7 ميلليارد تەڭگەنىڭ 50 جوباسىن ىسكە اسىرىپ، 5000 نان استام جۇمىس ورنىن قۇرۋ كوزدەلگەن. بۇل تۋرالى «سىر مەديا» ج ش س جانىنداعى و ك و بريفينگىندە وبلىستىق يندۋستريالىق-يننوۆاتسيالىق دامۋ باسقارماسىنىڭ باسشىسى رينات سۇلتانگەرەيەۆ مالىمدەدى.

ونىڭ باسىم بولىگى كاسىپكەرلىكتى قولداۋعا نەگىزدەلگەن. 4,7 مىڭنان استام جۇمىس ورنى وسى باعىتتا قۇرىلماق، دەپ جازادى وبلىس اكىمدىگىنىڭ رەسمي سايتى.

«بۇگىندە ينۆەستيتسيالار جانە دامۋ مينيسترلىگىنە شالقيا كەنىشىن يگەرۋ، كالتسيلەندىرىلگەن سودا شىعارۋ جوبالارى جولداندى. ولار جۇزەگە اسقان جاعدايدا 2,2 مىڭنان استام جۇمىس ورنى اشىلادى»، - دەدى رينات سۇلتانگەرەيەۆ.

اتالعان جوبالار كوپ ۇزاماي ونەركاسىپ قاۋىپسىزدىگى كەڭەسىندە قارالىپ، رەسپۋبليكالىق يندۋستريالاندىرۋ كارتاسىنا قوسىلادى.