قاراعاندىنىڭ اۋىل شارۋاشىلىعى سالاسى بيىل 386 بىرلىك تەحنيكامەن تولىقپاق

استانا. قازاقپارات - 2021- جىلعا دەيىن قاراعاندى وبلىسىنىڭ اۋىلشارۋاشىلىعى كاسىپورىندارىنىڭ ماشينا- تراكتورلىق پاركى 682 بىرلىككە دەيىن ۇلعايادى.

  بۇل تۋرالى بۇگىن قاراعاندى وبلىستىق اۋىل شارۋاشىلىعى باسقارماسىنىڭ باسشىسى يۋرجان بەكقوجين وڭىرلىك كوممۋنيكاتسيالار قىزمەتىندە بولعان بريفينگتە ايتتى.

«جاڭارتۋ 2017-2021 -جىلعا اگروونەركاسىپ كەشەنىن دامىتۋ مەملەكەتتىك باعدارلاماسىنىڭ ارقاسىندا جۇزەگە اسۋدا. وسى جىلدىڭ 9 ايى ارالىعىندا قاراعاندى وبلىسىنىڭ اۋىل شارۋاشىلىعى كاسىپورىندارى جوسپاردى اسىرا ورىنداپ، جالپى سوماسى 5,3 ميلليارد تەڭگەدەن اساتىن 386 بىرلىك اۋىل شارۋاشىلىعى تەحنيكاسىن ساتىپ العان. بۇل وتكەن جىلعى ءدال وسىنداي مەرزىممەن سالىستىرعاندا 72 بىرلىك تەحنيكاعا كوبىرەك»، - دەپ مالىمدەدى اۋىل شارۋاشىلىعى باسقارماسىنىڭ باسشىسى.

ورتاشا ەسەپتەگەندە اۋىل شارۋاشىلىعى تەحنيكاسىنىڭ پاركى جىل سايىن 1,5 - 2 پايىزعا جاڭارىپ وتىرادى. ا ءو ك دامىتۋ باعدارلاماسى بويىنشا 2021- جىلعا قاراي قاراعاندى وبلىسىنىڭ اۋىلشارۋاشىلىق تەحنيكاسىن جىل سايىن 682 بىرلىككە ۇلعايتۋ جوسپارلانىپ وتىر.